影片
更多
2022-02-14
2015 瀏覽
很早已聽聞過這一家豆乳店，從一啲「沙田友」嘅食友所講，佢哋最初鋪仔細細，只賣豆乳（豆漿）同豆花，搞吓搞吓發展埋多元嘅甜品。最近經過樂富廣場，偶然發展原來呢個「狂人」開到出嚟市區，相請不如偶遇，加上老婆本身幾鍾意大豆類產品，我哋屋企都有部豆漿機，又不時以豆製品入饌，故此就試試佢哋嘅手勢，買啲外賣返屋企試吓。由於禁咗晚市堂食，鋪前已加咗圍欄禁止內進，所以，只好晌鋪前影張店內全景，留個記錄，其實，餐廳嘅裝修都幾骨子，睇起嚟都幾闊落，木地板配以淺木色系嘅傢俱，感覺舒服清爽。再望入啲，右邊櫥窗內有一大組製豆乳嘅機器，好有規模，佔幾多空間，絕對唔喺得個擺字，相信豆乳都喺即場製作，可惜未能入內參觀。既然叫得「豆乳狂人」，無論食物抑或嘢飲，都以豆乳為主軸，如7.6特濃豆乳系列、豆乳茶、豆乳奶蓋、桃膠系列、芋泥系列、狂人豆花、三色芋圓，選擇非常之多，此外，仲見佢有提供一啲鹹食，如狂人小食、狂人栥飯，以吸引唔同時段嘅客人去幫襯，增加多啲收入，令餐廳嘅食物供應更全面，所以，咩時候嚟都合適！選擇實在太多，結果，樣樣都揀啲，嘢食又試試，甜點又試試，鹹點又試試，睇吓各樣嘢嘅質素喺點！仙草豆乳 $28日本嘅3.6牛
由於禁咗晚市堂食，鋪前已加咗圍欄禁止內進，所以，只好晌鋪前影張店內全景，留個記錄，其實，餐廳嘅裝修都幾骨子，睇起嚟都幾闊落，木地板配以淺木色系嘅傢俱，感覺舒服清爽。
再望入啲，右邊櫥窗內有一大組製豆乳嘅機器，好有規模，佔幾多空間，絕對唔喺得個擺字，相信豆乳都喺即場製作，可惜未能入內參觀。
既然叫得「豆乳狂人」，無論食物抑或嘢飲，都以豆乳為主軸，如7.6特濃豆乳系列、豆乳茶、豆乳奶蓋、桃膠系列、芋泥系列、狂人豆花、三色芋圓，選擇非常之多，此外，仲見佢有提供一啲鹹食，如狂人小食、狂人栥飯，以吸引唔同時段嘅客人去幫襯，增加多啲收入，令餐廳嘅食物供應更全面，所以，咩時候嚟都合適！
選擇實在太多，結果，樣樣都揀啲，嘢食又試試，甜點又試試，鹹點又試試，睇吓各樣嘢嘅質素喺點！
仙草豆乳 $28日本嘅3.6牛乳就聽得多，亦都飲過，而7∘6特濃豆乳（唔喺7.6呀）就真喺要見識吓，試吓有幾濃。以威士忌形樽仔已經好有型，一支份量都有幾多，裡面有唔少滑嘟嘟嘅仙草，而豆乳果然好濃郁，豆味強勁，店員更講話除用非基因改造黃豆嚟整之外，更話本身喺無糖，並附送一小盒糖漿，之但喺飲落又OK喎，唔加糖漿都帶少少甜味，啱晒老婆嘅少甜喜好。
焙茶珍珠小丸子 $42小弟就較鍾意茶味嘅飲品，所以，試咗呢一樽焙茶，好耐之前，晌一家台飲店都見過呢一種罐裝式拉環設計，唔怕會倒瀉出嚟，安全又方便。個焙茶混合豆乳，味道、質感又幾唔錯喎，茶味幾芳香，滲出陣陣豆味；裡面有好多珍珠同小丸子，大概有1/4樽，飲完好飽肚，而珍珠好似有啲未煮得夠透，但小丸子就好煙韌。
狂人栥飯 $32豆漿配粢飯，喺老婆嘅浪漫，所以，揀個平平咃嘅栥飯嚟試，拎上手就好墜手啦，好夠份量，拎到返屋企仲熱烘烘。打開，仲有一層保鮮紙包住，夠衛生，切開成兩邊，好足料、好紮實，裡面塞滿油炸鬼、肉鬆及榨菜，入口糯米好黏糯，唔黏牙，而榨菜明顯處理過，無過鹹嘅毛病，加埋啲油炸鬼同肉鬆，口感豐富。
狂人栥飯
$32
11 瀏覽
1 讚好
0 留言
芋泥桃膠小丸子 $45
聽友人嘅推介，店家嘅甜品都頗有賣點，所以，亦試咗一款甜點，而老婆幾喜歡芋泥，就晌芋泥系列下手，呢一款就夠晒正啦，有芋泥、桃膠、小丸子，原來仲加有豆乳，一整兜裝得滿滿，裡面芋泥、桃膠、小丸子都有好多，真喺無欺場。啲芋泥搓得好綿密軟滑，桃膠就充滿爽口，小丸子就保持一貫咬口感，整體確喺有幾好多，我哋兩公婆「些牙」都好夠。
老友嘅推介果然無錯，各式嘅豆乳產品又確喺與眾不同，頗有亮點，怪不得輪候期間，見到唔少人買外賣返屋企食，實行與屋企人「乳」眾同樂。
張貼
