影片
更多
2020-06-18
8862 瀏覽
一句做兵既心聲，呼喚左幾多情竇初開既情壇初哥，甘願做一世兵，都要為女神效勞。咪傻啦，你估仲係以前個年代呀，而家閒閒地12,13歲已經講緊A2,A3啦。對佢地黎講，愛情就真係黎過幾秒就無啦，Easy come easy go? Why not？不過有d野就唔係話黎就黎話走就走既。好似今晚黎觀塘呢間「板神 · 鐵板燒日本料理」就講慢活態度，一邊欣賞大師手勢，慢工出細貨，然後靜心咁細味每一份食材既味道，咁就先對得住餐廳精心設計既菜式，呢樣野就絕對唔係凡夫俗子體驗得到！👇📌板神 · 鉄板 · 二人前 - $2480 ♦先付け -▪ 沢蟹 · 數之子 · 番茄 -▫ 前菜其實係一個鬧鐘，提醒你個胃係時侯要甦醒，準備迎接黎緊既美食。呢個沢蟹口感爽脆清新，造型精細，幾得意；中間既數之子其實係鯡魚既魚春，食落鮮甜，粒粒彈牙，夠哂過癮；番茄清爽，酸甜又醒胃，呢個前菜係夏天黎講我覺得幾好。♦季節のサラダ - ▪ 田園野菜 · 海蜇沙律 -▫ 一碟鋪滿哂青綠色既蔬菜，夠哂養眼，沙律加上自家製醬汁，味道濃郁得黎同時好refreshing。配上海蜇絲，口感爽彈，清新開胃。♦刺身 · 五點 -▪ 帶子 -▪ 牡丹
都要為女神效勞。咪傻啦，你估仲係以前個年代呀，而家閒閒地12,13歲已經講緊A2,A3啦。
對佢地黎講，愛情就真係黎過幾秒就無啦，Easy come easy go? Why not？
不過有d野就唔係話黎就黎話走就走既。好似今晚黎觀塘呢間「板神 · 鐵板燒日本料理」
就講慢活態度，一邊欣賞大師手勢，慢工出細貨，然後靜心咁細味每一份食材既味道，
咁就先對得住餐廳精心設計既菜式，呢樣野就絕對唔係凡夫俗子體驗得到！👇
📌板神 · 鉄板 · 二人前 - $2480 ♦先付け -
▪ 沢蟹 · 數之子 · 番茄 -
▫ 前菜其實係一個鬧鐘，提醒你個胃係時侯要甦醒，準備迎接黎緊既美食。呢個沢蟹口感爽脆清新，造型精細，幾得意；中間既數之子其實係鯡魚既魚春，
食落鮮甜，粒粒彈牙，夠哂過癮；番茄清爽，酸甜又醒胃，呢個前菜係夏天黎講我覺得幾好。
♦季節のサラダ - ▪ 田園野菜 · 海蜇沙律 -
▫ 一碟鋪滿哂青綠色既蔬菜，夠哂養眼，沙律加上自家製醬汁，
味道濃郁得黎同時好refreshing。配上海蜇絲，口感爽彈，清新開胃。
♦刺身 · 五點 -▪ 帶子 -
▪ 牡丹蝦 -
▪ 深海池魚腩 -
▫ 係食主食之前，一定要好好品嘗左刺身環節先，Staff建議分返濃淡既程序黎食。先試左帶子先，就咁睇賣相肥美，食落肉厚甘甜，非常爽滑，唔錯；
牡丹蝦面頭灑上七味粉，肉質透光無瑕，入口蝦味濃郁，彈牙爽口；
深海池魚一向係我最愛既魚類之一，呢到用上魚腩位置，質感份外嫩滑，彈性豐富，好食！
▪ 中拖羅 -▪ 火炙太刀魚 -
▫ 開始輪到濃味少少既，中拖羅魚油豐腴，香味濃郁，質感嫩滑之餘，入口即融既功力絕對唔可以睇少；火炙太刀魚配上酸汁蘿蔔蓉，
師傅將太刀魚火炙後既油脂停留係表面，食果陣每一啖魚香都係口腔裡面爆發出黎，
呢種濃味得黎又咁清爽既感覺，認真唔話得！
♦伊勢 · 海老 - ▪ 活 · 龍蝦 -
▫ 輪到最佳男主角既生猛龍蝦呀！係炒之前仲見到佢郁緊，證明真係非常新鮮。
睇住師傅一邊將龍蝦開邊、拆肉、起膏，成個過程好似睇緊藝術品咁，好過癮。
而同時師傅將牛油同蝦膏一齊將蝦肉撈勻，然後上碟，龍蝦肉表面睇落晶瑩剔透，
食落爽口彈牙之餘，因為用左蝦膏黎炒，清甜之中帶有蝦膏既鮮香，份外惹味！
♦ホワイトタラ -▪ 白 · 鱈魚
▫ 輪到白鱈魚既環節，師傅將將外層煎到脆身，而裡面肉質相當嫩滑，完全無乾身既感覺，每一啖魚肉都入口即溶；加上魚肉裡面既油香，
令肉質相當Juicy，可以話係極上既體驗呀！
♦フォアグラ - ▪ 鵝 · 肝 -
▫ 開始進入主菜既中後段，再黎就係香煎鵝肝呀，底部用左烤過既多士做配襯。鵝肝咬落表面焦香，同時裡面油香十足，加上用左多士做左少少吸油效果，
變相中和左鵝肝既肥膩感，呢點抵讚!
♦わぎゅう -♦旬の野菜の炒め -
▪ 日本A5鹿兒島 · 和牛薄燒 -
▪ 南瓜 · 紅椒 · 蘆筍 -
▫ 召喚一眾和牛控！師傅開頭問我要幾成熟，一般我食和牛都會要求3成就好，愈靚既牛煎得太耐等同哂左。所以我要求半生熟既狀態，肉身呈現少少嫩紅色就可以。
師傅將呢塊A5和牛先煎香表面，然後再炒熟蒜片、香蔥，再卷住。
咁樣食法可以食到本身牛肉既香味之餘，口感唔會太膩，仲將油香帶出，認真好食；而旁邊再搭配南瓜、紅椒、蘆筍，呢幾樣可以減低本身油膩感，
加埋底下多士，成個配搭我覺得係滿分！
♦チャーハン▪ 鐵板 · 炒飯 -
▫ 最後一道主食，就係鐵板炒飯啦，用上青紅椒、蔥粒、牛肉粒配搭，
師傅將飯粒炒得好分明顯見，唔會太油膩，加上鑊氣十足，唔錯。
♦吸 · 物 -▪ 龍蝦頭 · 味噌湯 -
▫ 整返個龍蝦麵豉湯，就完成今日龍蝦既主題啦。師傅用返頭先鐵板剩低既龍蝦殼，
然後再熬成熟。飲落蝦膏濃郁入味，成個湯比我想像中無咁鹹，飲得過！
♦デザート -▪ 豆腐 · 雪糕 -
▪ 焦糖 · 多士 -
▫ 原來個set仲附送埋甜品，今日係豆腐雪糕配搭焦糖多士，師傅建議多士食到最後一舊可以連埋雪糕on top一齊食，咁就夠哂邪惡啦。多士入口相當鬆脆，
好似食緊薯片咁，而豆腐雪糕夠哂清爽，整體呢個set十分滿足。
張貼
