蠔站 (黃金廣場) (已結業)

黃金廣埸內分手？係咪一定可以係門口再聚？唔一定，或者可以係「蠔站」再相逢…但相逢何必曾相識，不如今晚再相逢呢？我講緊都係同佢D生蠔姐，正所謂為兄弟可以兩脅插刀，為女可以插兄弟兩刀，呢碟生蠔我攞硬，耶穌都留唔住佢，我話既！👇📌O Y S T E R -▪ Oyster · Platter -   ▫ 生蠔愛好者一定要留意佢地有10蚊一隻生蠔大優惠，今晚就係來自於愛爾蘭產地，ORDER左12隻整左個「生蠔·拼盤」；愛爾蘭既生蠔性價比無得輸，雖然海水味唔算好重呀，size黎講算係精細，但勝在蠔肉味道鮮甜，口感爽身，配搭Tabasco或檸檬汁亦可，呢個價錢抵食！📌P I Z Z A - ▪ Mixed Seafood · Pizza -▫ 雲集各類海鮮英雄既「超級海鮮·薄餅」，佢地個PIZZA即叫即整，一上枱新鮮滾熱辣，芝士拉絲夠濃密，仲食到大量魷魚圈、蜆肉、帶子粒餡料；加上底部烤得夠脆口，帶淡淡焦香，認真唔錯。