影片
更多
2020-05-21
2025 瀏覽
渴求係一種自然本能，代表你對果件事有執著、有要求，呢種唔屬於係虛榮，而係一種滿足感。而每人心裡面對渴求既程度都有唔同，對我黎講，酒精就係我每時每刻都需要既野。無論工作壓力又好、家庭聚餐定係一大班老死圍威喂，都逃離唔到酒精既五指山。自從5月中環大部份酒吧開始重開後，又係我呢D酒鬼出動既時侯啦。今次二訪「The ThirtySix」，主要原因係呢間酒吧實在太舒服，成個感覺唔會好局促，將所有不快一掃而空，呢樣野仲緊要過酒既質素呀！👇📌Cooktail · Flavoured Burger Combo - $218 (Special Only)▪ Margarita · Burger - ▪ Margarita - ▪ Popcorn - ▫ 我知道ThirtySix一向有好多諗頭，今次特別試到佢地新推出既「雞尾酒 · 漢堡拼盤」，將Cocktail混合漢堡元素。力求創新呢點已經值得大讚！一個Combo包括混合左Margarita味道既Burger，聞落酒香十足，加上塊漢堡扒大過我塊面，相當滿足；另外附送一碟用左自家製四川粉同孜然粉整成既爆谷，相當濃香脆口；加上埋一杯Margarita，咁既組
而係一種滿足感。而每人心裡面對渴求既程度都有唔同，對我黎講，
酒精就係我每時每刻都需要既野。無論工作壓力又好、家庭聚餐定係
一大班老死圍威喂，都逃離唔到酒精既五指山。自從5月中環大部份酒吧開始重開後，
又係我呢D酒鬼出動既時侯啦。今次二訪「The ThirtySix」，
主要原因係呢間酒吧實在太舒服，成個感覺唔會好局促，
將所有不快一掃而空，呢樣野仲緊要過酒既質素呀！👇
📌Cooktail · Flavoured Burger Combo - $218 (Special Only)
▪ Margarita · Burger -
▪ Margarita -
▪ Popcorn -
▫ 我知道ThirtySix一向有好多諗頭，今次特別試到佢地新推出既「雞尾酒 · 漢堡拼盤」，
將Cocktail混合漢堡元素。力求創新呢點已經值得大讚！一個Combo包括混合左
Margarita味道既Burger，聞落酒香十足，加上塊漢堡扒大過我塊面，相當滿足；
另外附送一碟用左自家製四川粉同孜然粉整成既爆谷，相當濃香脆口；
加上埋一杯Margarita，咁既組合都係200零蚊，抵食之選！
📌S i g n a t u r e -
▪ 'Kani Miso' Crab paste · Crab Egg · Udon Uni miso butter - $268
▫ 試左佢地招牌主菜之一既「蟹味噌 · 蟹籽烏冬」真係返唔到轉頭。
餐廳先用鵪鶉蛋攪勻撈埋烏冬，再混合清酒一齊食。成個感覺好新穎創新，
清酒既清香搭配濃郁蛋味，層次豐富，而烏冬入口夠爽彈，
加上每條麵條掛滿蛋汁，質感相當幼滑，值得一試。
▪ Old-Fashioned · Bourbon Burger - $158
▫ 另外一款必試既就係佢地既「經典 · 波本漢堡」，入面用左車厘子醬、芝麻籽同埋苦橙，
味道多變層次分明；而經火槍燒過既半溶芝士搭配厚厚既牛肉漢堡扒，成個配搭完全無違和感。
牛肉入口唔乾身，油香十足；芝士加強左整體濃香味，果然夠經典呀！
📌O t h e r s -
▪ French Fries · Black Truffle & Parmesan - $78
▫ 作為送酒小食，呢個加左帕馬森芝士既「黑松露 · 薯條」真係食到停唔到。
加上每條充滿黑松露濃香既味道，絕對係萬惡既源頭；
而薯條即叫即炸得，口感脆卜卜，而且唔會太油膩，唔錯。
📌B a r · B i t e s -
▪ Unagi Avocado Roll - $88 (3pcs)
▫ 其實上次黎果陣已經睇中左呢個「鰻魚 · 牛油果卷」，不過擔心眼闊肚窄，
無論如何今次一定要試埋佢。入口外皮做得夠幼滑，鰻魚口感煙韌，配上牛油果
味道清新，無得頂！
📌S e a s o n a l -
▪ Bitter · Sweet - $150
▫ 用上Double Cask 12 Years Old Macallan 12 YO Whiskies做based，
加入橙苦酒、焦糖、香茅水、阿佩羅酒、檸檬汁、安哥斯圖娜樹皮汁混合而成。
開頭飲落有淡淡既甜味，隱約開始滲透清澀味，酒味唔算太濃，入口幾順喉，我幾鍾意。
▪ Gold · Rush - $140
▫ 而另一杯亦唔惹少，用上Triple Cask 12 Years OldWhisky做Based，
再混合檸檬汁、薑餅製床既糖漿、柚子苦精製成。飲落竟然真係有陣陣既薑味出到黎，
反而唔會比whisky搶左味道，好特別；加上清新既柚子香味，意外地襯到絕，唔錯。
📌B e e r -
▪ Asahi Draught - $60 (JP Hlaf Pint)
▫ 最後整返杯男人既浪漫先，Asahi用黎襯返串燒或者炸物的確係最夾，夠哂冰凍透心涼！
張貼
