野姜 (已結業)

有些餐廳，你會毫不猶疑地將佢歸類為「試一次就夠」。野姜正是其一。野姜的唯一優勢只是在戲院旁邊，可以話係懶人專屬餐廳。講真，在大商場裡面，由服務到食物都唔合格，都咪話唔罕見。服務員真係比較奇怪，例如入面大把位但偏唔俾你入，跟手輪住幾個服務員逐一走過黎問：「你幾位？」「兩位」「幾位？」「兩位呀」…無限Loop……想不到，入到去，女店員仲問「你唔係6位咩？」……去到呢個moment，我累了，已經冇氣再回應呢位發緊夢的店員，可能我身旁有其他「朋友」我見唔到啦。對於呢間舖已無任何期望，求其食完就走的態度。見到佢有魚生檯擺出黎，我解讀係佢對魚生有一定自信先會擺魚生檯對客。所以我揀左「創作魚生丼定食」。對不起，我又錯了！外貌看似還可以，但一食又見真章，新唔新鮮冇得呃。尤其是三文魚，竟比某些放題的貨色更差。帆立貝開邊一分為二，體積不小，但缺乏鮮味，連一田買到急凍帆立貝比它更新鮮。相對好的是上方橙色一坨，貌似喜靈魚和右上角的池魚，相對新鮮(相對啊)。吃一口飯，嚇然發現飯碗淺平得有點過份，飯量很少。但咁少的飯我仍要靠豉油和山葵「吊命」才撐完成碗，可見情況幾咁惡劣。不合格！朋友叫了「即燒原條鰻魚定食」，首先