影片
更多
2021-06-12
3166 瀏覽
「懷石料理 Kaiseki」，歷史最遠可以追溯到400幾年前。一開始懷石料理只多半係素食，或係三餸一湯，以精緻，講究，量少為特色。但隨著人嘅物質生活越來越豐富，飯餸亦都越來越多，演變至今，懷石料理已成為高級日本料理形式，對擺盤，食器，時令食材均有嚴格嘅要求 ，以表示對貴客嘅尊重。今次嚟到半島酒店嘅Imasa試佢期間限定「懷石春夏盛筵」，Imasa貴為香港第一間引入懷石料理嘅日本餐廳，食物質素當然有保證。而的確每款餸真係令我留低深刻印象，一路食只可以大讚「好得」。無論用餐環境，定食物質素，都絕對係滿分💯。「懷石春夏盛筵」 menu裡面共有八款料理，合共有六款酒做配搭，言談間知道每款清酒都係謝經理喺日本親自尋覓或者拜會造酒師傅帶返嚟，喺香港唔係隨便買到。其實淨聽佢介紹，都會覺得實在非常用心。先由前菜講起，前菜分別係「京都腐皮」，「東方蠑螺」，「油漬八爪魚」同「帶子」配飛驒高山縣柚子乒衛柚子酒。全部都非常鮮甜，有咬口又唔會太韌，而京都腐皮係極重豆香，配埋柚子酒，非常開胃。前菜後就有蟹肉豆腐沙鮻魚湯清一清味蕾，湯汁非常甘甜清香，裡面用料亦係十足。之後到刺身，分別有「伊勢海老」，「海膽」，「活赤
今次嚟到半島酒店嘅Imasa試佢期間限定「懷石春夏盛筵」，Imasa貴為香港第一間引入懷石料理嘅日本餐廳，食物質素當然有保證。而的確每款餸真係令我留低深刻印象，一路食只可以大讚「好得」。無論用餐環境，定食物質素，都絕對係滿分💯。
「懷石春夏盛筵」 menu裡面共有八款料理，合共有六款酒做配搭，言談間知道每款清酒都係謝經理喺日本親自尋覓或者拜會造酒師傅帶返嚟，喺香港唔係隨便買到。其實淨聽佢介紹，都會覺得實在非常用心。
先由前菜講起，前菜分別係「京都腐皮」，「東方蠑螺」，「油漬八爪魚」同「帶子」配飛驒高山縣柚子乒衛柚子酒。全部都非常鮮甜，有咬口又唔會太韌，而京都腐皮係極重豆香，配埋柚子酒，非常開胃。
「京都腐皮 」，「東方蠑螺」，「油漬八爪魚」，「帶子」
194 瀏覽
0 讚好
0 留言
前菜後就有蟹肉豆腐沙鮻魚湯清一清味蕾，湯汁非常甘甜清香，裡面用料亦係十足。
蟹肉豆腐沙鮻魚湯
132 瀏覽
0 讚好
0 留言
之後到刺身，分別有「伊勢海老」，「海膽」，「活赤貝」，「拖羅」，「油甘魚」同埋「鱸魚」組成嘅刺身拼盤配太平山純米大吟釀。伊勢海老，活赤貝同埋鱸魚分別都係非常清甜同埋爽口，油甘魚非常厚實鮮甜，拖羅更加係肥美同入口即溶。但最驚喜嘅必定係海膽，海膽非常甘甜，佢挖空青瓜中間將海膽釀入裡面，滿瀉到底，絕對極之滿足！太平山純米大吟釀入口比較辛口，配刺身非常完美。
刺身拼盤
119 瀏覽
0 讚好
0 留言
太平山純米大吟釀
67 瀏覽
0 讚好
0 留言
然後係松葉蟹茶碗蒸配鍋島純米吟釀，呢款鍋島純米吟釀非常特別，謝經理提及佢係親自將佢帶返嚟，坊間而家無貨購買，亦稱佢為「Omakase酒」，因為裡面嘅調味以及酒精濃度一樣都係由造酒師傅發辦，你唔會知道裡面嘅內涵，非常有趣。當我沈醉係鍋島嘅故事同味道時，再試一啖茶碗蒸，好夾，松葉蟹茶碗蒸裡面嘅蛋非常甜同埋嫩滑，同鍋島嘅甘甜味好配合。最意想不到嘅係，茶碗蒸上面有一塊煎鵝肝，鵝肝應係先煎香再一齊蒸，所以令佢嘅油脂更香，非常好味。
松葉蟹茶碗蒸
88 瀏覽
0 讚好
0 留言
鍋島純米吟釀
61 瀏覽
0 讚好
0 留言
再嚟就係季節貝類，北海道白栗米天婦羅配九平次純米大吟釀，我平時甚少食天婦羅呢類炸物，因為做法睇落簡單，但其實技巧要十足，唔容易做得好。季節貝類係炸蜆，絲毫食唔到任何油膩感，但亦唔乾身，因為一咬竟然有好多嘅汁流出，非常美味。正當我以為貝類已經出色，最出色竟然係白栗米同埋紫蘇葉，白栗米非常鮮甜，紫蘇葉亦非常香口，配埋九平次純米大吟釀嘅果香味，好有驚喜。
季節貝類，北海道白粟米天婦羅
67 瀏覽
0 讚好
0 留言
主菜係朴葉味噌燒鹿兒島和牛配十四代吟釀，和牛帶有蒜味，油脂豐富又入口即化，下面有野菌，同樣係非常重蒜味又爽口。貴為日本清酒之王，十四代當然非常厲害，甘甜梨味的確令呢道菜更完滿。
朴葉味噌燒鹿兒島和牛
82 瀏覽
0 讚好
0 留言
十四代吟釀
50 瀏覽
0 讚好
0 留言
跟住係九洲豚肉拉麵，已到尾聲，而我亦非常飽，但我一試湯底，就已忍唔住全碗連湯飲完，因為拉麵湯底非常濃郁，拉麵麵質又非常煙韌，好美味，一口接一口就全碗食完。
九洲豚肉拉麵
95 瀏覽
0 讚好
0 留言
最後就係料理長精選甜品配白金黑酢梅酒，甜品分別係夕張哈蜜瓜，愛文芒果，芝士年糕同埋綠茶蕨餅，一樣好高質素。白金黑酢梅酒入口清爽解膩，完整咗呢餐豐富嘅晚餐。
料理長精選甜品
46 瀏覽
0 讚好
0 留言
總括而言，無論係環境，餐廳員工服務，食物質素都係非常高質，能夠喺半島酒店屹立25年，實在有其出色之處。
張貼
