影片
更多
2020-06-03
358 瀏覽
仲記唔記得呢種感覺？係青春呀！岩呀！青春呢樣野，過左去真係追唔返。仲記得以前細個仲係好青澀既氣質果陣（咪姐係MK囉…）好鍾意約埋一班人流連樓上Café，係呢個圈子裡面總有幾件件蛋散會暗戀對方，果件蛋散咪我囉。呢種心跳回憶間中細味一下，又幾甜蜜既，雖然年紀大左，唔會再有呢d感覺，所以轉變一下心態，去一d好文青雅緻既Café咁就岩哂我呢d老餅啦。尤其呢間尖咀「鳥語 - Floom Floom」，經過佢地上次係K11新開既分店「花香」既經驗，我就知道「烏語」絕非等閒之輩！👇📌M a i n -▪ Okinawa Taco Rice - $98▫ 鍾意打卡既朋友一定要影呢個「沖繩 · Taco飯」，今晚係牛油果之夜，所以點左呢個，以墨西哥肉醬同牛油果組合而成既Taco飯。Nachos同食落鬆脆無比，口感同米通有少少似；同牛油果有不謀而合既化學作用，加上好多沙律菜，中和返Nachos既油膩感；飯底亦夠入味，整體相當惹味醒胃。📌P a s t a -▪ Pesto Floom Floom Seafood Pasta - $138▫另一款打卡最愛就係呢款「柏士圖青醬雪糕 · 海鮮意大利麵」，佢既賣相
過左去真係追唔返。仲記得以前細個仲係好青澀既氣質果陣（咪姐係MK囉…）
好鍾意約埋一班人流連樓上Café，係呢個圈子裡面總有幾件件蛋散會暗戀對方，
果件蛋散咪我囉。呢種心跳回憶間中細味一下，又幾甜蜜既，雖然年紀大左，
唔會再有呢d感覺，所以轉變一下心態，去一d好文青雅緻既Café咁就岩哂我呢d老餅啦。
尤其呢間尖咀「鳥語 - Floom Floom」，經過佢地上次係K11新開既分店「花香」既經驗，
我就知道「烏語」絕非等閒之輩！👇
📌M a i n -
▪ Okinawa Taco Rice - $98
▫ 鍾意打卡既朋友一定要影呢個「沖繩 · Taco飯」，今晚係牛油果之夜，
所以點左呢個，以墨西哥肉醬同牛油果組合而成既Taco飯。Nachos同食落鬆脆無比，
口感同米通有少少似；同牛油果有不謀而合既化學作用，加上好多沙律菜，
中和返Nachos既油膩感；飯底亦夠入味，整體相當惹味醒胃。
📌P a s t a -
▪ Pesto Floom Floom Seafood Pasta - $138
▫另一款打卡最愛就係呢款「柏士圖青醬雪糕 · 海鮮意大利麵」，佢既賣相靚得黎又幾搞鬼。
頂層有個倒轉左既雪糕筒，而裡面既雪糕其實係Parsley加埋Pesto製成，
唔怪得個質感咁似雪糕啦。食落口感特別Creamy，撈埋意粉一齊食，鹹中帶甜，
兩者自然融合。加埋洋蔥、大蝦、雜菌，層次非常豐富，食得過！
📌S m a l l · B i t e s -
▪ Avocado Toast Onsen Egg - $78
▫ 牛油果控必點既「牛油果 · 溫泉蛋多士」，呢到好特別會將佢分成兩種，
一份係鋪滿牛油果，另一邊係有溫泉蛋。兩者賣相都非常IGable，
牛油果熟得岩岩好，入口融化感一流；而溫泉蛋一拮開就有流心效果，真係好治癒。
📌N o n - C o f f e e -
▪ Avocado White Cocolate · Wheat Germ · Floating Marshmallow - $55
▪ Hazelnut Chocolate · Floating Marshmallow - $55
▫ 仲有兩杯Cute到爆既「牛油果胚芽白朱古力 · 懸浮棉花糖」、「榛子朱古力 · 懸浮棉花糖」。
個棉花糖整到隻公仔好可愛，口感軟綿，朱古力味道濃郁，我比較鍾意前者，
入口甜甜地帶清香既牛油果，味道好夾，唔錯。
張貼
