影片
更多
2020-06-13
586 瀏覽
一個表演者，能夠企上一個舞台得到成功感，除左因為佢有特別既能力，好大因素係有一班為佢默默鼓掌既觀眾。台下一分鐘，台上十年功。可能你只係比幾十蚊入埸睇一埸戲，比百幾蚊睇一埸演唱會，但表演者背後既辛酸你未必睇到。就等同我今次適逢父親節二訪既高級Omakase「Kura · 藏」，作為一個企係吧枱既師傅，除左想你細味每一份新鮮既食材，佢地最滿足就係來自每一位食客，流露出好滋味既微表情。📌父の日 -♦ A P P E T I Z E R▪ 野菜 · サラダ -▫ 成個父親節套餐都好豐富，先黎個前菜「鱈魚干 · 胡麻醬沙律」開開胃先，一入口已經有驚喜。鱈魚乾食落相當鬆脆，配上底下既沙律菜，新鮮涼爽；加埋胡麻醬配合，三者味道相當夾。▪ 茶碗蒸し -▫ 另一前菜「茶碗蒸」仲好食我第一次黎，基本上無任何可以挑剔既地方。蛋夠滑身，質感幼滑，而且食落蛋味相當濃郁，蒸既時間完美無瑕，口感一流呀！♦ S A S H I M I -▪ ハマチ - ▪ 甘海老 - ▪ ミルクイ -▫ 輪到我最期待既刺身環節，「油甘魚」就梗係有份啦，入口甘香鮮甜，油脂豐富，就咁睇賣相都知相當肥美，但同時唔會太油膩，岩岩好；「甜蝦」
好大因素係有一班為佢默默鼓掌既觀眾。台下一分鐘，台上十年功。
可能你只係比幾十蚊入埸睇一埸戲，比百幾蚊睇一埸演唱會，但表演者背後既辛酸你未必睇到。
就等同我今次適逢父親節二訪既高級Omakase「Kura · 藏」，作為一個企係吧枱既師傅，
除左想你細味每一份新鮮既食材，佢地最滿足就係來自每一位食客，
流露出好滋味既微表情。
📌父の日 -
♦ A P P E T I Z E R
▪ 野菜 · サラダ -
▫ 成個父親節套餐都好豐富，先黎個前菜「鱈魚干 · 胡麻醬沙律」開開胃先，
一入口已經有驚喜。鱈魚乾食落相當鬆脆，配上底下既沙律菜，新鮮涼爽；
加埋胡麻醬配合，三者味道相當夾。
▪ 茶碗蒸し -
▫ 另一前菜「茶碗蒸」仲好食我第一次黎，基本上無任何可以挑剔既地方。
蛋夠滑身，質感幼滑，而且食落蛋味相當濃郁，蒸既時間完美無瑕，口感一流呀！
♦ S A S H I M I -
▪ ハマチ -
▪ 甘海老 -
▪ ミルクイ -
▫ 輪到我最期待既刺身環節，「油甘魚」就梗係有份啦，入口甘香鮮甜，油脂豐富，
就咁睇賣相都知相當肥美，但同時唔會太油膩，岩岩好；「甜蝦」夠大隻，口感軟綿，
香甜無比，裡面仲帶有少少既蝦膏鮮味，唔錯；而本身Menu係帶子不過轉左「白象拔蚌」，
亦無令人失望。口感超級爽彈，果種"索索聲"既誘人聲線，可想而知有幾新鮮啦！
♦ S U S H I -
▪ 中卜口 -
▫ 完左刺身飲返啖茶中和一下，就輪到壽司環節。「中拖羅」既油份適中，
無大拖羅咁重身，但肉質上比較有咬口，而且完全咬唔到有筋，呢個抵讚；
▪ しまあじ -
▫ 另一亮點就係「深海池魚」，顏色偏向白身魚，味道雖然無咁濃，
但口感細膩，魚肉清甜，配上醋味既米飯，我幾鍾意。
▪ 白身魚 -
▫ 要大讚既係餐廳會按時令既白身魚做題材，今次試左度身訂造既「𩶘魚」，
面頭放上辣椒蘿蔔蓉。質感食落軟腍有咬口，海水鮮甜味濃郁，
加上師傅既手握壽司技術一流，唔會好易鬆散，正！
▪ エンガワ -
▫ 輪到「火炙左口魚邊」，豐富既魚香加埋魚油既昇華，食落爽口焦香，
同平時食既左口魚邊有過之而無不及；用紫菜包住，口感份外豐富。
▪ うに -
▫ 我諗「海膽」唔洗多講啦，一定係我最愛既壽司之一，呢個口感甜美，入口即化；
濃郁既鮮甜味，完全feel唔到有澀味，相當滿足！
▪ 大卜口炙り -
▫ 最後食既一定係「大拖羅」，表面加左黑魚子，一咬落去相當Juicy，油脂瞬間爆發，
入口即溶；而質感係相當肥美油潤，真係想大嗌一句OMG！
♦H A N D R O L L -
▪ 卜口タク手巻き -
▫ 另一亮點就係「碎蔥吞拿魚手卷」，鮮甜得黎，配合黃瓜、青蔥、芝麻一齊食，
份外香甜；而且紫菜係微暖既情況下，口感最爽脆，無得輸。
♦H O T D I S H -
▪ 熱うどん -
▫ 最後既熱食環節同樣交比「稻庭烏冬」啦，比較冷烏冬我都係鍾意熱既多d；
爽口滑溜之餘，每一條麵條都充滿微溫，加上濃郁既湯底，完全俘虜我既胃口呀。
♦D E S S E R T -
▪ デザート -
▫ 最後甜品都上次黎一樣都係「抹茶雪糕」同埋「黑糖紅豆蕨餅」，雪糕係呢個天氣黎講，
可以話透心涼，抹茶味濃郁；而紅豆蕨餅質感煙韌，係日式甜品既不二之選。
甜甜地，煙煙韌韌有咬口，唔錯。
張貼
