蝦麵店 (荃新天地) (已結業)

今日同男朋友係荃灣行街食野 入左而間蝦麵店。見到餐牌價錢相宜又想試吓食海鮮麵，估唔到真係有驚喜。如果你鍾意食辣又食海鮮而間店就可以滿足你兩個願望首先我就叫咗個辣味蝦肉肉片麵。佢蝦味濃郁辣味又唔會蓋過蝦嘅鮮味，我最鍾意就係佢有大量嘅炸蒜係面，而且我轉左檬粉好吸湯嘅味道而且十分足料。之後男朋友叫咗一個咖喱沙嗲蝦肉肉片麵。而且可以自行加配料佢就再加多咗個墨魚丸同蟹柳，兩樣配料都好吸收到湯嘅味道而且沙嗲味好濃郁❤️要特別提一提呢間嘅串燒，難得都好好味 佢嘅串燒醬好出色，有啲花心粒好咬口。我哋最後買咗個榴槤咖央多，薄對一片好脆口。最後食咁多買單都係二百幾蚊真係好抵食。