影片
更多
2022-04-06
180 瀏覽
⏱每日到左午餐的時間，對好多人黎講都係人生一大難題！點解咁講？因為又要諗下要食咩啦！😋 係觀塘想搵返間有心思又高質既餐廳真係唔易，今次俾小編搵到呢間隱世高質西餐廳🤪🍽壹玖陸零 1️⃣9️⃣6️⃣0️⃣位於成業工業大廈中既餐廳用左霓虹燈招牌充滿左懷舊的特色，當然唔小得係用上舊式西餐餐牌，真係有一瞬間感覺Return to The Past! ⏱🍴Appetizer - 精選西式濃湯🥣每日精選都有所不同，是日餐湯充滿濃郁蘑菇味之餘又唔會太稀，又滑又香! 仲有餐包唔係一D普普通通既白麵包，而係配上烘熱左既黑麥種麵包，貼心得黎真係幾抵讚。👍🏻🥩經典香煎澳洲西冷牛扒配薯菜($88)Classic Steak With Jus西冷order左五成熟，火候上煎得剛剛好，食落有肉味而家唔會落左鬆肉粉醃製咁…旁邊既薯菜睇得出落左小小心思，薯仔炸得外脆內軟，點埋醬汁一齊食,夠哂好味。😋🍗西式鴨髀肉肉意大利飯配黑醋醬($78)Confit Duck Leg Risotto with Balsamic Sauce意大利飯用左慢煮既鴨髀肉拆絲連埋切碎左紅蘿蔔粒及洋蔥粒煮成，足料之外口感都好豐富，而且仲加左黑醋醬可以平衡返意大利
係觀塘想搵返間有心思又高質既餐廳真係唔易，今次俾小編搵到呢間隱世高質西餐廳🤪
🍽壹玖陸零 1️⃣9️⃣6️⃣0️⃣
位於成業工業大廈中既餐廳用左霓虹燈招牌充滿左懷舊的特色，當然唔小得係用上舊式西餐餐牌，真係有一瞬間感覺Return to The Past! ⏱
🍴Appetizer - 精選西式濃湯🥣
每日精選都有所不同，是日餐湯充滿濃郁蘑菇味之餘又唔會太稀，又滑又香! 仲有餐包唔係一D普普通通既白麵包，而係配上烘熱左既黑麥種麵包，貼心得黎真係幾抵讚。👍🏻
🥩經典香煎澳洲西冷牛扒配薯菜($88)
Classic Steak With Jus
西冷order左五成熟，火候上煎得剛剛好，食落有肉味而家唔會落左鬆肉粉醃製咁…旁邊既薯菜睇得出落左小小心思，薯仔炸得外脆內軟，點埋醬汁一齊食,夠哂好味。😋
🍗西式鴨髀肉肉意大利飯配黑醋醬($78)
Confit Duck Leg Risotto with Balsamic Sauce
意大利飯用左慢煮既鴨髀肉拆絲連埋切碎左紅蘿蔔粒及洋蔥粒煮成，足料之外口感都好豐富，而且仲加左黑醋醬可以平衡返意大利飯的油膩感，令到小編唔覺唔覺自己食哂成個飯。😚
💡小知識：鴨肉可以消暑滋陰、健脾化濕、補益虛損的功效。其實非常適合夏秋兩季食用，除左可以補充人體過度消耗的營養，仲可以消除暑熱給體內帶來的不良影響。
🍮Dessert - 白兔糖奶凍🍬
初頭望落以為係普通牛乳奶凍🧐但食落有驚喜喎🤩問店員先知原來係白兔糖味奶凍，不嬲鍾意食甜既小編當然唔可以錯過啦。白兔糖味好濃郁而且奶凍口感真係又滑又香，配埋粟米脆片一齊食又真係停唔到口喎。成餐黎講真係CP值真係好高!!👍🏻👍🏻
🍽 @1960_hk
🏡 觀塘成業街19-21號成業工業大廈1樓26號舖
推介指數：👫🏼👫🏼👫🏼👫🏼
餵食指數： 🤤🤤🤤🤤
Encore指數：⭐️⭐️⭐️⭐️⭐️
張貼
