影片
更多
2019-08-12
276 瀏覽
好耐之前喺呢間餐廳食過晚飯，當時印象都唔錯，對環境、服務整體都滿意。佢地最近推出左期間限定嘅下午茶，放假同另一半去左試試餐廳位於美麗華廣場一期，除左供應西餐、自助餐，仲係婚宴場地，室外有證婚花園，景色唔錯。室內場地唔算好大，裝潢優雅，光線充足，所以隨便影張相都幾靚。假日呢個時段都唔多人，連埋我地三枱，所以坐得闊落、自在、不催不趕。如果真係有野傾、聚會，不失為一個好場地當日亦遇上團隊佈置場地，烈日當空，辛苦哂。下午茶餐以「陽光」、「海灘」為主題，定價$388/2位。食物方面份量唔多，亦有好大嘅進步空間，鹹點3款、甜點6款，每位附咖啡/茶。以呢個排場，性價比就唔高，勝在可以相機食先。點餐後，店員先喺枱面上放一塊海藍色嘅托板，起初都不明所以，到整份下午茶上枱，就明白哂，效果真係幾靚，即刻影番幾張相除左藍色海灘，以餅碎做出細沙，放上船仔、沙灘遮、貝殼等，望到都覺得心情開朗。鹹點有自家製迷你海鮮漢堡、迷你蟹肉蛋撻、煙三文魚慕絲配水瓜柳及黑魚子，味道以迷你蟹肉蛋撻最好，撻皮幾香。海鮮漢堡稍乾硬，炸物都唔係即時做起；而煙三文魚慕絲則太淡。甜點有菠蘿卷、榛子芒果蛋糕、藍莓乳酪慕絲杯、加勒比雞尾酒慕絲、
室內場地唔算好大，裝潢優雅，光線充足，所以隨便影張相都幾靚。假日呢個時段都唔多人，連埋我地三枱，所以坐得闊落、自在、不催不趕。如果真係有野傾、聚會，不失為一個好場地
當日亦遇上團隊佈置場地，烈日當空，辛苦哂。
下午茶餐以「陽光」、「海灘」為主題，定價$388/2位。食物方面份量唔多，亦有好大嘅進步空間，鹹點3款、甜點6款，每位附咖啡/茶。以呢個排場，性價比就唔高，勝在可以相機食先。
點餐後，店員先喺枱面上放一塊海藍色嘅托板，起初都不明所以，到整份下午茶上枱，就明白哂，效果真係幾靚，即刻影番幾張相
除左藍色海灘，以餅碎做出細沙，放上船仔、沙灘遮、貝殼等，望到都覺得心情開朗。
鹹點有自家製迷你海鮮漢堡、迷你蟹肉蛋撻、煙三文魚慕絲配水瓜柳及黑魚子，味道以迷你蟹肉蛋撻最好，撻皮幾香。
海鮮漢堡稍乾硬，炸物都唔係即時做起；而煙三文魚慕絲則太淡。
甜點有菠蘿卷、榛子芒果蛋糕、藍莓乳酪慕絲杯、加勒比雞尾酒慕絲、焦糖燒菠蘿同馬卡龍，整體表現較鹹點好。菠蘿卷幾鬆軟，而且裡面有粒粒果肉。
焦糖燒菠蘿甜甜地，幾多汁。
榛子芒果蛋糕唔錯，唔會太甜
加勒比雞尾酒慕絲不過不失。
藍莓乳酪慕絲酸酸甜甜。
馬卡龍一般，可能擺左太耐，個底已經偏左，而且略嫌過甜。
最後每位有咖啡或茶，點左咖啡同檸茶。
餐廳環境唔錯，佈置用心，加上店員服務殷勤有禮，我地嘅聚會亦好愉快，期待喺食物水準上繼續改善
張貼
