影片
更多
2019-11-06
2055 瀏覽
咖啡店話幫襯得多唔算多，少呢又唔算少，但你話韓式咖啡店呢？今次又真喺第一次試。有輯韓國綜藝節目「咖啡伴侶」，講幾個藝人晌濟州島開咗間咖啡店，個節目都幾好睇，幾有趣，加上小弟都幾鍾意濟州島。當然，嚟到「JMT」，實際賣嘅產品同一般嘅咖啡店無疑，但港人店長（還是店主呢？）就一口流利韓文。咖啡店地方唔大，呈長形，一室以純白為主調，簡約、明淨。其實店名喺咩意思呢？上網一搵就知喺最近在推特或IG上常常睇到韓國人打嘅潮語縮寫，「JMT」就喺韓文「존맛탱」嘅英文縮寫，意思喺非常好食嘅意思。當然，我哋廣東話一樣有唔少呢啲縮寫潮語啦，不過，好似就喺粗俗嘢居多。小店主打喺多款飲品，如咖啡、沙冰、特飲、梳打、熱茶。食物方面主要喺甜點，窩夫配雪糕。店員介紹時話佢哋好多原材料都喺由南韓入口。如果有留意門面，佢仲定位喺一間Gin Bar，故此，仲有一張黑餐牌，以Gin酒為元素所做嘅幾款飲品，以及可以話喺用嚟佐酒嘅小食。Hazelnut Latte $36鮮奶咖啡都喺我嘅心水選擇，以透明玻璃杯盛載，然而，缺少咗拉花，喺多少會對觀感打咗啲折扣。幸而，入口咖啡味好醇香，又不失榛子香氣，奶泡撞落去都算均勻，唔使攪，唔使加
咖啡店地方唔大，呈長形，一室以純白為主調，簡約、明淨。其實店名喺咩意思呢？上網一搵就知喺最近在推特或IG上常常睇到韓國人打嘅潮語縮寫，「JMT」就喺韓文「존맛탱」嘅英文縮寫，意思喺非常好食嘅意思。當然，我哋廣東話一樣有唔少呢啲縮寫潮語啦，不過，好似就喺粗俗嘢居多。
小店主打喺多款飲品，如咖啡、沙冰、特飲、梳打、熱茶。
食物方面主要喺甜點，窩夫配雪糕。店員介紹時話佢哋好多原材料都喺由南韓入口。
如果有留意門面，佢仲定位喺一間Gin Bar，故此，仲有一張黑餐牌，以Gin酒為元素所做嘅幾款飲品，以及可以話喺用嚟佐酒嘅小食。
Hazelnut Latte $36鮮奶咖啡都喺我嘅心水選擇，以透明玻璃杯盛載，然而，缺少咗拉花，喺多少會對觀感打咗啲折扣。幸而，入口咖啡味好醇香，又不失榛子香氣，奶泡撞落去都算均勻，唔使攪，唔使加糖，落每口都一樣。
Mini Matcha Waffle + Ice-cream $66淡綠色嘅窩夫，伴上手打忌廉，配上抹茶雪糕球，以雲石板作托盤，甚具藝術氣息，不過，個人就較喜歡將個雪糕球就咁放晌窩夫之上，非另以小杯裝起。
窩夫切起嚟比較挺身實淨，無慣常所遇到嗰啲咁軟綿，但好有抹茶香，事後同店長傾開，原來佢哋喺有心想做得實淨啲，唔想啲客食完好似陣風咁，所以，覺得啱唔啱食就好視乎你嘅口味。忌廉手打，唔喺現成貨，好香滑，唔會轉頭溶到變水，個雪糕亦好正。
位店長招呼好好，態度好有禮，奈何今日佢話得佢一個，所以，出菜有啲慢，希望見諒。上網睇開，仲學識另一個韓國潮語「TMI」，即喺Too Much Information嘅縮寫，對自己唔關心嘅人事物，無想要知道嘅事情，接收到過多或喺過於私密嘅情報時，韓國人就會使用呢個新興用語，帶有「夠了，我不想再知道」嘅意思。的確，依家太多群組，又太多無聊人，好多都喺資訊垃圾喔！
張貼
