影片
更多
2020-09-06
255 瀏覽
好友上月生日，本來早就說好要請她吃頓飯慶祝，可惜因疫情關係而暫時擱置，見最近個案終於稍為回落， 立即坐言起行，相約一起去飲茶。知道友人一向好欣賞「鼎爺」嘅廚藝，覺得佢不但造詣高深，而且教煮食，深入淺出，是朋友的學習對象， 所以今次就特意預訂了「鼎爺私房菜」。餐廳位於銅鑼灣登龍街 V Point 21 樓，佔地四千多呎，裝潢華麗，走 Fine-dining 中菜路線，而且最正係有海景位，視野廣闊，非常適合紀念日和另一半或好友一齊到來慶祝。店內有不少打卡位，不過講到最受歡迎嘅，必定是這幅水墨風屏風，據說屏風上的「鼎」字是鼎爺的真跡，由萬根釘堆砌而成。開完茶後，店員隨即送上餐前小食，竟然是一碟涼果，有薑、話梅、鹹柑桔，味道甘甜醒胃，風味獨特。交由友人發板，點了四個點心同兩款小菜。先嚟一籠花膠雞扎 ($68)，平日外出飲茶都幾鍾意叫雞扎食，貪佢有芋頭又有雞肉，呢客就當然矜貴啲，因為加入咗花膠同冬菇。腐皮很薄很滑，入面的冬菇厚肉又夠香，雞肉嫩滑有肉汁，花膠爽彈糯口又入味，簡直無得輸。接著是一籠豬潤燒賣 ($58)，朋友話而家好少機會可以喺酒樓食到呢類懷舊點心，碰巧遇上，當然要試下。燒賣熱氣騰騰，
知道友人一向好欣賞「鼎爺」嘅廚藝，覺得佢不但造詣高深，而且教煮食，深入淺出，是朋友的學習對象， 所以今次就特意預訂了「鼎爺私房菜」。
餐廳位於銅鑼灣登龍街 V Point 21 樓，佔地四千多呎，裝潢華麗，走 Fine-dining 中菜路線，而且最正係有海景位，視野廣闊，非常適合紀念日和另一半或好友一齊到來慶祝。
店內有不少打卡位，不過講到最受歡迎嘅，必定是這幅水墨風屏風，據說屏風上的「鼎」字是鼎爺的真跡，由萬根釘堆砌而成。
開完茶後，店員隨即送上餐前小食，竟然是一碟涼果，有薑、話梅、鹹柑桔，味道甘甜醒胃，風味獨特。
交由友人發板，點了四個點心同兩款小菜。先嚟一籠花膠雞扎 ($68)，平日外出飲茶都幾鍾意叫雞扎食，貪佢有芋頭又有雞肉，呢客就當然矜貴啲，因為加入咗花膠同冬菇。腐皮很薄很滑，入面的冬菇厚肉又夠香，雞肉嫩滑有肉汁，花膠爽彈糯口又入味，簡直無得輸。
接著是一籠豬潤燒賣 ($58)，朋友話而家好少機會可以喺酒樓食到呢類懷舊點心，碰巧遇上，當然要試下。燒賣熱氣騰騰，以大大件豬潤覆蓋住比乒乓波還要大嘅蝦粒豬肉，豬潤細滑，燒賣亦十分彈牙，好啱我倆口味。
秘製燒鵝包 ($68)，叉燒包就食得多，燒鵝包真係第一次食！燒鵝包即叫即蒸，一籠兩個，外形有點似壽桃，拿上手時仍熱辣辣，包身很軟熟，入面的鵝肉餡亦非常好吃，鹹甜適中，香氣逼人，絕對值得一試。
小菜點咗阿爺煎蠔餅 ($128) 同秘製紅燒乳鴿，蠔餅勁厚身兼非常大塊，而且賣相超吸引，不但煎得金黃香脆，入口更是啖啖蠔鮮，惹味十足。
秘製紅燒乳鴿 ($128) 隻乳鴿體型雖然不大，但看起來骨肉均稱，紅皮赤壯，十分討好。外皮燒得勁香脆，而且不滴油，上檯時已聞到肉香，入口外脆內嫩又多汁。
壓尾嘅迷你煎堆仔 ($48) 亦十分好吃，雖然 Size 不大，但外形圓碌碌、脹卜卜，皮層鬆化香脆，入面嘅蓮蓉餡滾熱辣，加上外層嘅芝麻又夠香口，用嚟做甜品就最適合不過。
結帳時店員推介我哋嚟試下餐廳新推出嘅晚市二人套餐，有鼎爺精選前菜、鹽焗奄仔蟹、雪梨燉乳鴿湯等多道精美小菜，抗疫價，兩位只是 $1280，都幾吸引，一於返去安排下先！
張貼
