瀛喜日本料理 (已結業)

話說睇開我出文，都聽我講過我以前(幾年前...的確很瘋狂)幾咁鍾意食放題，真係月月食，個個星期食 ，仲要邊區都會去下∼ XD宜家間唔中食下咁啦！我好似睇住放題時代既變化，何出以言？以前搵到間刺身多，大大件，已經好滿足。宜家呢，要睇埋款式夠唔夠特別，壽司有無創意壽司？刺身有無帶子先？甜品有d咩架？......相對地，有質素有創意特別D既放題相對多了∼ 價格有d好平民化，有d好奢華。今次試到荃灣呢間，我覺得價錢係大眾化，即係「平」∼ 款式多∼ 食物質素整體OK刺身款式多！比軟少有係「深海紅象拔刺身」又厚又爽∼ 落單幾多會比足你，所有刺身有冰放底，good~提提大家，一定一定要點「三文魚腩刺身」又厚又夠肥，食幾片都大滿足，油香又多。最推介「柚子風油甘魚壽司」呢個配搭清新得黎帶到魚味道。其次仲有「黑松露三文魚壽司」放題第一次見。「蔥吞拿魚手卷」足料！炸物即叫即炸∼ 炸物「紫竽甜粟子餅」好有新鮮感，雖然粟子味不多，但紫竽感重，多竽泥，可以試下。「焗日本蕃薯仔」我大愛，加左牛油焗，蕃薯好味道我覺得唔加牛油一樣好食。「燒羊架」good, 但如果再厚d, 會更討我歡心 XD<燒菠蘿>