MOS Cafe

營業中

休息中

摩斯漢堡套餐 $49 醬汁有肉碎，好似肉醬意粉個汁，蕃茄新鮮爽口，漢堡一啲都唔乾，咬落好多肉汁，本身配料有生洋蔥，因為我唔食所以落單時走左洋蔥，女仔食呢個包都好夠飽炸粗薯條即叫即炸，上枱時熱辣辣，飲品我地揀左有Ginger Ale，出面好少餐廳有得叫。海鮮珍珠堡 $26漢堡包食得多，用珍珠飯夾住海鮮同雜菜，真係好少有，口感非常特別，珍珠米略略煎香，咬落口煙煙韌韌，唔容易散開，開頭望落細細個，仲以為唔夠飽，但係食哂其實都幾飽。另外值得一提，落完單有號碼牌拎埋枱，有送餐服務，職員亦非常有禮貌，值得一讚。