飯意主題餐廳 (已結業)

今次一於就試試佢地嘅招牌菜係日式蛋包飯。果然有驚喜！-「香煎漢堡蛋包飯」漢堡係自家製架，所以食落同出面唔同而且仲好多汁。至於蛋個方面，蛋漿嫩滑可口，仲有呀，米係選用左盛Q口的珍珠米，再配上麻汁，真係一流。價錢$42，冇睇錯呀，係$42，價錢非常合理，平靚正。-「主題小食拼盤」主題小食拼盤入面有司華力腸，沙律菜，水牛城雞翼，脆薯格，芝士烤大菇同墨魚丸。當中，不得不提呢個「芝士烤大菇」，熱辣辣再加上岩岩溶既芝士，咬落去又多汁好Juicy。仲有個水果茶，水果茶落重料，生果新鮮而且又大大粒。甜度岩岩好。岩哂鐘意食生果既你我。