影片
更多
2017-02-14
114 瀏覽
一直都鍾情日本菜，特別係居酒屋，串燒、啤酒、刺身，同埋三五知己把酒言歡。但係係香港搵間岩feel既居酒屋好難，又要好食，又要坐得舒服，今次經朋友介紹，千里紹紹黎到上水里間居酒屋，感覺就唔錯。老實講，有啲偏僻，但係勝在有家嘅感覺，係上水呢一個小區入面，隱沒左喺茶餐廳、藥房同水貨客入面，名副其實既「隱世」居酒屋！一去到門口，已經見到寫住居酒屋既小帆布，拉開趟門，入面日式既裝潢已經好有居酒屋既感覺，地方雖然唔大，但係好有小店既感覺。原條粒魚刺身點菜無耐就到，先黎一客原條粒魚刺身，有別於其他刺身，配左一碟酸酸甜甜既醬汁，有啲泰式風味，配埋刺身，感覺唔錯，酸甜味帶起左粒魚既鮮味。粒魚本身口感唔似三文魚、吞拿魚咁，會有好厚既脂肪，粒魚入口帶筋，通常需要咀嚼較耐，但好彩師傅將刺身切得非常薄，薄到透光，所以食起上黎就非常方便，唔會有咀嚼到攰既感覺，加上刺身好鮮甜，作為一個前菜非常唔錯，不過價錢稍貴。雜錦壽司拼盤之後係雜錦壽司拼盤，十一款唔同壽司，整體還可以，比較欣賞三文魚肥美；海膽味鮮；最驚喜係鰻魚，通常平時食到既鰻魚壽司都會用好濃郁既醬去燒去覆蓋鰻魚既腥味，結果得陣醬汁味，師傅控制醬汁控制得好好，保
但係係香港搵間岩feel既居酒屋好難，又要好食，又要坐得舒服，今次經朋友介紹，千里紹紹黎到上水里間居酒屋，感覺就唔錯。
老實講，有啲偏僻，但係勝在有家嘅感覺，係上水呢一個小區入面，隱沒左喺茶餐廳、藥房同水貨客入面，名副其實既「隱世」居酒屋！
一去到門口，已經見到寫住居酒屋既小帆布，拉開趟門，入面日式既裝潢已經好有居酒屋既感覺，地方雖然唔大，但係好有小店既感覺。
原條粒魚刺身
點菜無耐就到，先黎一客原條粒魚刺身，有別於其他刺身，配左一碟酸酸甜甜既醬汁，有啲泰式風味，配埋刺身，感覺唔錯，酸甜味帶起左粒魚既鮮味。粒魚本身口感唔似三文魚、吞拿魚咁，會有好厚既脂肪，粒魚入口帶筋，通常需要咀嚼較耐，但好彩師傅將刺身切得非常薄，薄到透光，所以食起上黎就非常方便，唔會有咀嚼到攰既感覺，加上刺身好鮮甜，作為一個前菜非常唔錯，不過價錢稍貴。
雜錦壽司拼盤
之後係雜錦壽司拼盤，十一款唔同壽司，整體還可以，比較欣賞三文魚肥美；海膽味鮮；最驚喜係鰻魚，通常平時食到既鰻魚壽司都會用好濃郁既醬去燒去覆蓋鰻魚既腥味，結果得陣醬汁味，師傅控制醬汁控制得好好，保留到鰻魚既味道，又唔會太多汁搞到好油膩。海蝦天婦羅
之後就係海蝦天婦羅，其實我平時唔係特別鍾意食天婦羅，因為普遍都好厚粉同埋好滯，但係今次真係炸得好好，外層脆口之餘，亦都非常鬆化，無油溢味，沾小小醬汁幾乎已經深透曬，而且海蝦唔會炸到老曬，非常考功夫，里個係我近年食過最好既天婦羅！串燒拼盤
跟住係串燒拼盤，有牛舌、黑毛豬同蕃茄煙肉串，上既時候已經近乎全熟，炭爐用黎比你加熱，整體不過不失，黑毛豬比較出色，肥瘦均稱，入口甘香。粒魚骨湯
到最後係粒魚骨湯，其實已經食到好飽，但係個湯真係好吸引，用抖先粒魚刺身既魚骨原條去煮，配雜菜、豆腐、冬菇同蔥花，非常濃郁，又唔會腥，食左一餐咁豐富既晚餐，以一個香濃魚湯作結，非常滿足！成餐飯都好滿意，食物高質之餘，亦都好有日式居酒屋既感覺，值得翻啅，推薦！
張貼
