影片
更多
2024-10-05
67 瀏覽
Weekday同朋友去咗上環摩羅街LASCAR LANE 食brunch，地點旺中帶靜，非常舒適，有室內外空間同埋座位，好適合同朋友飲吓嘢同埋傾偈。老闆啱啱從澳洲返嚟，食物方面融合咗當地好多文化，所以好受外國人士歡迎 ，Menu亦豐富咗好多。餐廳除咗提供咖啡、奶昔之外，仲有好fresh嘅Cocktail提供。招牌慢煮鴨髀配法國紅酒汁店家招牌之一，鴨髀煮至金黃色，經過慢煮後肉質嫩滑，保持咗豐富嘅肉汁，配上濃郁嘅紅酒汁，增加咗味道層次感，旁邊伴上新鮮嘅沙律菜同埋口感香脆薯條，好豐富。法式粒粒蝦肉龍蝦湯配酸種包龍蝦湯顏色紅亮，湯底質感濃稠，啖啖充滿龍蝦鮮味，入口順滑，配上香草奶油點綴，香味濃郁，加上粒粒蝦肉，口感彈牙。最後用香脆嘅酸種麵包沾上龍蝦湯，相當掛汁。香甜番薯條番薯條炸至金黃酥脆 ，表面灑上海鹽調味，味道鹹香，口感外脆內軟，番薯裏面嘅甜味同出邊嘅鹹香味好夾。自家製士多啤梨窩夫配士多啤梨雪糕士多啤梨窩夫賣相精緻，窩夫口感香脆，蛋味香濃，加上士多啤梨雪糕，香滑軟綿，果香四溢，仲有新鮮士多啤梨同埋藍莓，味道酸酸甜甜，味道層次豐富。Berry Crush 店內嘅Smoothie全部用新鮮材料
Weekday同朋友去咗上環摩羅街LASCAR LANE 食brunch，地點旺中帶靜，非常舒適，有室內外空間同埋座位，好適合同朋友飲吓嘢同埋傾偈。
老闆啱啱從澳洲返嚟，食物方面融合咗當地好多文化，所以好受外國人士歡迎 ，Menu亦豐富咗好多。餐廳除咗提供咖啡、奶昔之外，仲有好fresh嘅Cocktail提供。
招牌慢煮鴨髀配法國紅酒汁
店家招牌之一，鴨髀煮至金黃色，經過慢煮後肉質嫩滑，保持咗豐富嘅肉汁，配上濃郁嘅紅酒汁，增加咗味道層次感，旁邊伴上新鮮嘅沙律菜同埋口感香脆薯條，好豐富。
法式粒粒蝦肉龍蝦湯配酸種包
龍蝦湯顏色紅亮，湯底質感濃稠，啖啖充滿龍蝦鮮味，入口順滑，配上香草奶油點綴，香味濃郁，加上粒粒蝦肉，口感彈牙。最後用香脆嘅酸種麵包沾上龍蝦湯，相當掛汁。
香甜番薯條
番薯條炸至金黃酥脆 ，表面灑上海鹽調味，味道鹹香，口感外脆內軟，番薯裏面嘅甜味同出邊嘅鹹香味好夾。
自家製士多啤梨窩夫配士多啤梨雪糕
士多啤梨窩夫賣相精緻，窩夫口感香脆，蛋味香濃，加上士多啤梨雪糕，香滑軟綿，果香四溢，仲有新鮮士多啤梨同埋藍莓，味道酸酸甜甜，味道層次豐富。
Berry Crush
店內嘅Smoothie全部用新鮮材料即製，無添加任何人工糖漿，成分天然健康。呢杯用咗士多啤梨、藍莓、覆盆莓、甜菜根、牛奶同埋乳酪打製而成，士多啤梨味比較濃郁，味道酸酸甜甜，清新解渴。
Tropical Garden
由芒果、菠蘿、乳酪同埋椰奶打製而成，口感順滑，帶有濃郁芒果香氣，味道微酸當中帶有奶香。
張貼
