影片
更多
2023-05-06
137 瀏覽
【東區】【翠灣漁港】呢餐其實都食咗一段時間，不過冇乜機會貼出嚟。首先係近來稿件實在太密，冇乜空間攝到呢篇入去。再加上之前都講過嘅十八區輪住出嘅問題，我自己都覺得對期待呢篇嘢嘅朋友係有所虧欠嘅，因為呢餐係同四位朋友一齊食。五個人最後我哋食咗五個餸、三個飯，唔算好多，不過大家差唔多年紀，已經唔可能好似以前咁暴飲暴食，享受吓食物就算。咁餐飯嘅緣起係喺柴灣開完會，難得大家都有期，梗係順便食埋飯，仲有地膽講呢間，話想我試吓。原來呢間酒樓係某電視台飲食節目主持「三姐」開嘅，雖然我唔知邊個嚟，亦從未睇過佢嘅節目，但係呢個背景我估對食物質素應該有所要求。而聽講佢開張嘅時候有請張宇人議員嚟剪綵，咁樣嘅話我就比較關心員工薪酬喇。食物方面，首先嚟 $108 嘅「花膠海味什菜煲」同 $98 嘅「芹香孜然牛肉」，兩者都唔錯，尤其後者，以前喺香港好少食呢啲酒樓餸食到孜然嘛。之後係「黃金鮮魷」，$128 唔算勁抵，不過質素唔差，送酒亦都幾夾。「海皇冬瓜盅」幾足料同埋都幾好飲，$128 好夠我哋飲，仲有剩，唔錯。叫個「鮮菠蘿咕嚕肉」，每一啖都甜中帶酸，心中充滿住女同事嘅玉容，呢 $98 抵畀。最後補半隻「脆皮一品燒雞
五個人最後我哋食咗五個餸、三個飯，唔算好多，不過大家差唔多年紀，已經唔可能好似以前咁暴飲暴食，享受吓食物就算。咁餐飯嘅緣起係喺柴灣開完會，難得大家都有期，梗係順便食埋飯，仲有地膽講呢間，話想我試吓。
原來呢間酒樓係某電視台飲食節目主持「三姐」開嘅，雖然我唔知邊個嚟，亦從未睇過佢嘅節目，但係呢個背景我估對食物質素應該有所要求。而聽講佢開張嘅時候有請張宇人議員嚟剪綵，咁樣嘅話我就比較關心員工薪酬喇。
食物方面，首先嚟 $108 嘅「花膠海味什菜煲」同 $98 嘅「芹香孜然牛肉」，兩者都唔錯，尤其後者，以前喺香港好少食呢啲酒樓餸食到孜然嘛。之後係「黃金鮮魷」，$128 唔算勁抵，不過質素唔差，送酒亦都幾夾。
「海皇冬瓜盅」幾足料同埋都幾好飲，$128 好夠我哋飲，仲有剩，唔錯。叫個「鮮菠蘿咕嚕肉」，每一啖都甜中帶酸，心中充滿住女同事嘅玉容，呢 $98 抵畀。最後補半隻「脆皮一品燒雞」，$88 嚟講算幾好食，幾驚喜。
仲有一舊水係 $60 嘅茶位同埋 $36 嘅「絲苗白飯」，兩杯「藍妹生酒」就 $76，做緊細藍妹三枝特價 $36 我哋都有叫到。最後連埋加一總數五位 $942，每人 $188.4，我覺得食晚飯小菜嚟講唔貴，有飲少少啤酒喎都。。。
（地址：柴灣柴灣道333號永利中心地下及1樓）
#1amfoodie #hkig #foodie #hk #hongkong #hongkongfoodie #hkfoodblogger #topcitybiteshk #hkeat #hkfoodstagram #thatfoodiething #instagood #love #hkigfood #globaleats #foodieman #1am東區 #柴灣 #翠灣漁港 #小菜 #花膠海味什菜煲 #芹香孜然牛肉 #黃金鮮魷 #海皇冬瓜盅 #鮮菠蘿咕嚕肉 #脆皮一品燒雞 #藍妹啤酒 #1ambackup #1am0760
張貼
