影片
更多
2024-02-07
64 瀏覽
東涌基本上都冇咩人會去推廣有咩好食，因為真係好偏僻，不過其實東涌除咗可以行名店倉外，其實仲有好多嘢食㗎，今次我去嘅呢一間，真係好適合新年一家大細去食而且佢哋最近做緊推廣優惠，套餐有六六折優惠，另外還有666限定快閃優惠，真係超級抵食，忍唔住帶埋我屋企人一齊去食今次叫咗個2人套餐，但份量都已經好夠飽-首先會有前菜三品（陳醋小雲耳拌青荀、涼拌椒香棒棒豆乾和魔鬼冰爽水魷魚）陳醋小雲耳拌青荀，食落好脆爽，而且酸酸哋好開胃魔鬼冰爽水魷魚，味道不會太辣，大約10小辣左右嘅辣度，好惹味涼拌椒香棒棒豆乾，分量超級多，差啲食前菜都食飽🤣-巴蜀燒紐西蘭頂級羊鞍架（2支骨）食落會有一陣香料味，所以一啲都唔騷，而且肉質鮮嫩，唔會好難咬-蜜糖豆山珍菌炒日本帶子帶子份量超級多，而且每一隻都好飽滿，而蜜糖豆也炒得剛剛好，調味也不錯，就連平時唔多食蜜糖豆的我也忍不住食咗好多-意式鮮茄濃湯野生竹笙煮娃娃菜唔好睇佢外表咁普通，但娃娃菜和竹笙吸晒鮮茄濃湯的味道，配飯一齊食簡直一絕-養生姬松茸燉原隻鮑魚飲落好清甜，而且冇我好怕松茸湯的苦味，而且真係有原隻鮑魚喺入面，唔係講笑真係好足料-黑松露醬鮮拆龍蝦蛋白炒飯黑松露醬味道超香
東涌基本上都冇咩人會去推廣有咩好食，因為真係好偏僻，不過其實東涌除咗可以行名店倉外，其實仲有好多嘢食㗎，今次我去嘅呢一間，真係好適合新年一家大細去食
而且佢哋最近做緊推廣優惠，套餐有六六折優惠，另外還有666限定快閃優惠，真係超級抵食，忍唔住帶埋我屋企人一齊去食
今次叫咗個2人套餐，但份量都已經好夠飽
-首先會有前菜三品（陳醋小雲耳拌青荀、涼拌椒香棒棒豆乾和魔鬼冰爽水魷魚）
陳醋小雲耳拌青荀，食落好脆爽，而且酸酸哋好開胃
魔鬼冰爽水魷魚，味道不會太辣，大約10小辣左右嘅辣度，好惹味
涼拌椒香棒棒豆乾，分量超級多，差啲食前菜都食飽🤣
-巴蜀燒紐西蘭頂級羊鞍架（2支骨）
食落會有一陣香料味，所以一啲都唔騷，而且肉質鮮嫩，唔會好難咬
-蜜糖豆山珍菌炒日本帶子
帶子份量超級多，而且每一隻都好飽滿，而蜜糖豆也炒得剛剛好，調味也不錯，就連平時唔多食蜜糖豆的我也忍不住食咗好多
-意式鮮茄濃湯野生竹笙煮娃娃菜
唔好睇佢外表咁普通，但娃娃菜和竹笙吸晒鮮茄濃湯的味道，配飯一齊食簡直一絕
-養生姬松茸燉原隻鮑魚
飲落好清甜，而且冇我好怕松茸湯的苦味，而且真係有原隻鮑魚喺入面，唔係講笑真係好足料
-黑松露醬鮮拆龍蝦蛋白炒飯黑松露醬味道超香，而且個炒飯炒得好乾身，可以食到飯粒一粒粒嘅口感，另外真係會食到好多新鮮龍蝦肉🤤好滿足
-是日甜品
今日的甜品是杞子圓肉桂花糕，味道偏甜一點，因為真係好足料入面有好多杞子圓肉，而且唔會係落咗好多魚膠粉，死實實那種，不錯
-鮮果汁（2杯）
是橙汁，味道不錯，不會太甜
✨整體來講，食物質素都非常不錯，而且空間好大，同隔離台相距都有一段距離，唔會好逼夾，而且坐窗邊位，有陽光照射入來，感覺超舒服
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
張貼
