影片
更多
2023-01-30
72 瀏覽
今日我哋介紹嘅餐廳位於中環，喺其他地方都有佢哋嘅分店，餐廳以木系風格裝修嘅日本居酒屋，價錢相對較抵食。餐廳以填紙仔嘅方式落單，除咗有日式串燒，仲有泰式、新疆、台式等嘅串燒，另外亦有再特色自家產品。🌟焦糖青蘋果鴨肝多士 $88一件食物三層唔同口感。上層鴨肝都幾厚身，外層煎到脆身，入口即溶。中層就係酸酸甜甜焦糖既青蘋果片，可以減輕鴨肝油膩感。底層係烘過既多士，多士中間放入左芝士，令整過食物更加邪惡。🌟提燈 $38提燈其實係雞嘅卵巢同埋未孵化嘅蛋，每隻雞只有一條而且好少餐廳會整，我地都係第一次食。提燈外型似係一串燈籠咁串頂上面有一粒類似蛋黃既物體，食落似食緊有雞肉味豬潤咁。🌟豚肉節瓜波板糖 (附月見) $38造型就係一支波板糖，一層一層豚肉夾雜一塊塊節瓜卷成波板糖嘅形狀，再點埋濃郁嘅蛋黃食，係一道有心思手工菜。🌟鹹蛋黃墨魚餅 $68係一塊非常大塊墨魚餅一定要留肚食，食落有粒粒墨魚粒，墨魚餅上有鹹蛋黃醬，菜色有新意!🌟蟹膏燒飯團 $38飯團表面燒到焦脆，食落就似食緊飯焦咁，而飯團上鋪滿蟹膏，可以用紫菜包住一齊食。但係餐廳比果塊紫菜就唔好好啱位未能包哂整個飯團。🌟雞皮墨魚滑$38外層嘅雞皮燒得香
今日我哋介紹嘅餐廳位於中環，喺其他地方都有佢哋嘅分店，餐廳以木系風格裝修嘅日本居酒屋，價錢相對較抵食。餐廳以填紙仔嘅方式落單，除咗有日式串燒，仲有泰式、新疆、台式等嘅串燒，另外亦有再特色自家產品。
🌟焦糖青蘋果鴨肝多士 $88
一件食物三層唔同口感。上層鴨肝都幾厚身，外層煎到脆身，入口即溶。中層就係酸酸甜甜焦糖既青蘋果片，可以減輕鴨肝油膩感。底層係烘過既多士，多士中間放入左芝士，令整過食物更加邪惡。
🌟提燈 $38
提燈其實係雞嘅卵巢同埋未孵化嘅蛋，每隻雞只有一條而且好少餐廳會整，我地都係第一次食。提燈外型似係一串燈籠咁串頂上面有一粒類似蛋黃既物體，食落似食緊有雞肉味豬潤咁。
🌟豚肉節瓜波板糖 (附月見) $38
造型就係一支波板糖，一層一層豚肉夾雜一塊塊節瓜卷成波板糖嘅形狀，再點埋濃郁嘅蛋黃食，係一道有心思手工菜。
🌟鹹蛋黃墨魚餅 $68
係一塊非常大塊墨魚餅一定要留肚食，食落有粒粒墨魚粒，墨魚餅上有鹹蛋黃醬，菜色有新意!
🌟蟹膏燒飯團 $38
飯團表面燒到焦脆，食落就似食緊飯焦咁，而飯團上鋪滿蟹膏，可以用紫菜包住一齊食。但係餐廳比果塊紫菜就唔好好啱位未能包哂整個飯團。
🌟雞皮墨魚滑$38
外層嘅雞皮燒得香脆包住彈牙厚實墨魚滑，再用上淮鹽調味 ，食落外脆內軟。
🌟鹽燒原塊雞皮 ＄38
廚師將原塊雞皮攤開唔係咁多地方會咁做，雞皮燒至乾身，脆卜卜非常可口。
🌟黑糖燒菠蘿
呢個燒菠蘿係凍食，菠蘿本身已經質素唔錯， 又甜又多汁。 菠蘿菠蘿燒好後再係加一層係焦糖， 咬落去就有兩種甜味。
🌟切鹽燒牛舌芯 $28
每串有三塊，中切食落口感好好，牛舌好爽彈，性價比非常高，鍾意食牛舌一定要試。
🌟焦糖鰻魚芝士玉子燒 $28
玉子燒上層有塊薄焦糖，但烤得好似過左火，玉子中間包住粒鰻魚，建議可以唔試呢款試其他。
📌燒烤堂 (中環) @skewer.kitchen
中環九如坊6-10號林氏大廈地下C-D號舖
🚇港鐵中環站 B 出口, 步行約10分鐘;
📍#中環
張貼
