影片
更多
2024-03-02
669 瀏覽
【中西區】【心滿意粥】寫嘅呢日係我生日，同大家乞句生日祝福先，感恩一直有各位讀者相伴。大家唔需要送嘢畀我，反而想趁呢個機會送返啲嘢畀大家。就係同大家推薦一間我自己好中意食，但一直都有私心唔捨得介紹出嚟嘅粥店，就係呢篇嘅呢間。佢喺堅尼地城卑路乍街，好多巴士都到佢門口，地鐵站行過去都係五分鐘內嘅事。入到去好光猛、啲嘢好新淨，原來係啱啱開張一個月左右。而且感受到店員好有活力，原來係九十後年輕人開嘅，難怪唔少侍應都係後生仔女啦。我同朋友嚟食，我食咗個 $35 嘅「狀元及第粥」加配 $6 「艇仔」，粥底靚，粥料生熟度啱啱好，感受到用心製作。朋友食 $35 嘅「生滾魚腩粥」，我有偷食，魚腩又係保持到鮮味，勁正，朋友都話呢度嘅生滾粥唔錯。而另外我仲叫咗 $6 嘅「鹹鴨蛋」送粥，幾好嘅。小食叫 $10 嘅「油條」，即係油炸鬼啦，佢哋係每日新鮮即炸，大條得嚟勁脆口勁好食，我個人好推薦。之後嗰碟 $22 嘅「美味鮮蝦腸」都係又鮮又滑嘅，我都覺得味道唔錯。一人一枝 $9 嘅「豆漿」，埋單 $132，食咗咁多嘢嚟講真係唔貴，亦都促使咗我再去食一次。呢次我就自己去，先食 $13 嘅「綿滑白粥」，個粥底係靚嘅，食
佢喺堅尼地城卑路乍街，好多巴士都到佢門口，地鐵站行過去都係五分鐘內嘅事。入到去好光猛、啲嘢好新淨，原來係啱啱開張一個月左右。而且感受到店員好有活力，原來係九十後年輕人開嘅，難怪唔少侍應都係後生仔女啦。
我同朋友嚟食，我食咗個 $35 嘅「狀元及第粥」加配 $6 「艇仔」，粥底靚，粥料生熟度啱啱好，感受到用心製作。朋友食 $35 嘅「生滾魚腩粥」，我有偷食，魚腩又係保持到鮮味，勁正，朋友都話呢度嘅生滾粥唔錯。
而另外我仲叫咗 $6 嘅「鹹鴨蛋」送粥，幾好嘅。小食叫 $10 嘅「油條」，即係油炸鬼啦，佢哋係每日新鮮即炸，大條得嚟勁脆口勁好食，我個人好推薦。之後嗰碟 $22 嘅「美味鮮蝦腸」都係又鮮又滑嘅，我都覺得味道唔錯。
一人一枝 $9 嘅「豆漿」，埋單 $132，食咗咁多嘢嚟講真係唔貴，亦都促使咗我再去食一次。呢次我就自己去，先食 $13 嘅「綿滑白粥」，個粥底係靚嘅，食嘅過程都係享受。跟住 $10 嘅「牛脷酥」唔會比油條差，又香又脆。
之後食 $21 嘅「蛋黃鹹肉粽」，糯米同綠豆好香，好有端午 feel。而上次都想食但忘記咗嘅「黃糖糕」，佢哋賣剩一件，所以係 $5，亦都好正，質感唔會太軟或者太實，又唔會太甜，剛剛好。補枝 $9 嘅「豆漿」，埋單 $58 唔貴吖。
喺我心目中一間好嘅餐廳嘅元素其實係好簡單，食物、服務、價錢、地點都差唔多概括晒。我覺得堅尼地城呢間「心滿意粥」係幾樣嘢都做到好嘅評價，想趁我生日就介紹畀大家。兩餐我都係自費非試食，撻我朵係冇著數嘅。。。
（地址：西環堅尼地城卑路乍街102-114號聯友新樓地下A號舖）
#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #西環 #堅尼地城 #心滿意粥 #即叫即整腸粉 #生滾粥 #香港美食 #香港本地美食 #廣東粥 #中菜餐廳 #狀元及第粥 #生滾魚腩粥 #油條 #油炸鬼 #美味鮮蝦腸 #豆漿 #鹹鴨蛋 #綿滑白粥 #蛋黃鹹肉粽 #牛脷酥 #黃糖糕 #1am1285 #1ambackup
張貼
