嘉豪酒家

營業中

休息中

Item: 嘉豪酒家
Rating: 4
Author: 1amfoodie

Ka Ho Restaurant

48 食評

味道

環境

服務

衛生

抵食

912

上環

$101-200

粵菜 (廣東) 港式酒樓咪嘥嘢食店

資訊:
餐廳:	嘉豪酒家

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

1amfoodie

等級4

698

【中西區】【嘉豪酒家】同浣紗娘喺西營盤搵嘢食，我就因為返香港冇耐所以想打吓邊爐。附近好似都諗唔到有邊度可以去食，浣紗娘就講起呢間喺上環嘅酒樓。我就之前已經見識過佢哋其他分店，晚飯小菜或者早午飯市都食過，呢間就第一次嚟。嚟之前望吓 Openrice 先，見到都有啲負評，講到個火鍋幾差吓，攪到我哋聞之而卻步。但係我一向秉承「自古成功在嘗試」同埋「人有多大膽，地有多大產」嘅原則去做事，所以大膽建議不如照去，唔係點証明食評真偽。去到就食 $208 嘅「任飲任食海鮮火鍋無限時任食」，佢哋有「重慶雞鍋」可以揀不過我哋直接要「鴛鴦鍋底」打邊爐算。個鍋有啲問題，侍應都好好態度咁幫我哋解決。而火鍋料方面，啲肉類都可以，估唔到都唔差喎。因為啲食評講到佢哋啲肉類同服務態度都好差，所以特登留意呢兩點多啲。而任飲嘅飲品包括罐裝「醇滑嘉士伯」同「果汁先生」，唔差。佢哋呢度嘅火鍋係冇加一嘅，所以埋單價兩位夾埋係 $416，我覺得又唔算貴喎，可以。。。（地址：上環皇后大道中328號中源中心一樓）#1amfoodie #foodie #hkfoodie #thatfoodiething #food #instafood

【中西區】【嘉豪酒家】同浣紗娘喺西營盤搵嘢食，我就因為返香港冇耐所以想打吓邊爐。附近好似都諗唔到有邊度可以去食，浣紗娘就講起呢間喺上環嘅酒樓。我就之前已經見識過佢哋其他分店，晚飯小菜或者早午飯市都食過，呢間就第一次嚟。

嚟之前望吓 Openrice 先，見到都有啲負評，講到個火鍋幾差吓，攪到我哋聞之而卻步。但係我一向秉承「自古成功在嘗試」同埋「人有多大膽，地有多大產」嘅原則去做事，所以大膽建議不如照去，唔係點証明食評真偽。

去到就食 $208 嘅「任飲任食海鮮火鍋無限時任食」，佢哋有「重慶雞鍋」可以揀不過我哋直接要「鴛鴦鍋底」打邊爐算。個鍋有啲問題，侍應都好好態度咁幫我哋解決。而火鍋料方面，啲肉類都可以，估唔到都唔差喎。

因為啲食評講到佢哋啲肉類同服務態度都好差，所以特登留意呢兩點多啲。而任飲嘅飲品包括罐裝「醇滑嘉士伯」同「果汁先生」，唔差。佢哋呢度嘅火鍋係冇加一嘅，所以埋單價兩位夾埋係 $416，我覺得又唔算貴喎，可以。。。

（地址：上環皇后大道中328號中源中心一樓）

#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #上環 #嘉豪酒家 #任飲任食 #海鮮火鍋 #無限時任食 #重慶雞鍋 #鴛鴦鍋底 #罐裝醇滑嘉士伯 #果汁先生 #1am1172 #1ambackup