影片
更多
2017-08-13
497 瀏覽
Venus做開Facial間舖頭搬咗去佐敦，早幾個月同一班fd去佐敦食放題已經覺得附近好多食肆，吃貨決定搜尋一下佐敦搵好嘢食！原來佐敦真係有好多食店！短短幾條內街粗略估計都有幾十間！當中以串燒店特別多，好耐無食串燒la！一於今晚試下先^^ 串串居果支Logo串燒好搶眼XDDD 拉麵套餐外賣有9折都幾抵 個廚師推介好吸引啊！有我最鐘意食嘅燒蠔、茄子仲有近排BBQ成日食嘅牛排菇，即刻入去試食先 餐廳以木做主設計，配合磚牆感覺都幾親切，個人感覺似日台小店 串燒種類都幾多，燒醬汁都有多款選擇，啱哂一班各有鐘情口味朋友慢慢揀la，仲有小食、湯烏冬或拉麵 唔鐘意飲啤酒都有生果汽酒飲 落order先，即剔門口廚師推介試下^^ 嘩！原條蒜蓉燒茄子有我前臂咁長啊！齋睇視覺都一流 茄子配料一d都唔吝嗇，蒜蓉舖滿成條茄子面，加埋醬燒勁香！隔離枱見到都即刻拍板要碟，唔怪得知係店內必食之選 再嚟一碟蟹肉醬燒牛排菇，脹卜卜好得意 本身菇類已經好夠味，廚師再用蘑菇混入牛排菇特出雙重菇味，加上頂層蟹肉沙律醬汁一齊燒，口感juicy，多醬汁又唔覺膩 令一人氣推介蒜辣雞翼尖，酸酸辣辣好開胃，鐘意啜骨嘅朋友仔必點 有一
原來佐敦真係有好多食店！短短幾條內街粗略估計都有幾十間！當中以串燒店特別多，好耐無食串燒la！一於今晚試下先^^
串串居果支Logo串燒好搶眼XDDD
拉麵套餐外賣有9折都幾抵
個廚師推介好吸引啊！有我最鐘意食嘅燒蠔、茄子仲有近排BBQ成日食嘅牛排菇，即刻入去試食先
餐廳以木做主設計，配合磚牆感覺都幾親切，個人感覺似日台小店
串燒種類都幾多，燒醬汁都有多款選擇，啱哂一班各有鐘情口味朋友慢慢揀la，仲有小食、湯烏冬或拉麵
唔鐘意飲啤酒都有生果汽酒飲
落order先，即剔門口廚師推介試下^^
嘩！原條蒜蓉燒茄子有我前臂咁長啊！齋睇視覺都一流
茄子配料一d都唔吝嗇，蒜蓉舖滿成條茄子面，加埋醬燒勁香！隔離枱見到都即刻拍板要碟，唔怪得知係店內必食之選
再嚟一碟蟹肉醬燒牛排菇，脹卜卜好得意
本身菇類已經好夠味，廚師再用蘑菇混入牛排菇特出雙重菇味，加上頂層蟹肉沙律醬汁一齊燒，口感juicy，多醬汁又唔覺膩
令一人氣推介蒜辣雞翼尖，酸酸辣辣好開胃，鐘意啜骨嘅朋友仔必點
有一碟足料好長嘅日式蒲燒鰻魚
燒汁加埋紫菜食好惹味，鰻魚啖啖肉正啊！
好大粒嘅東陽炸雞，肉質鮮嫩，咁大舊都係雞肉為主，唔係有一舊好厚炸粉
睇下東洋炸雞大粒過我個嘴^^
雖然Venus唔食牛肉，但細佬係牛魔王，叫咗串鹽燒厚切牛舌心同椒鹽炸雞皮比佢試下，佢話牛肉好厚好多汁，炸雞皮凍咗食有d硬
最期待四式燒生蠔嚟la
四種口味都好好味，而當中我最鐘意係芝士燒生蠔，原來用咗幾款芝士燒，有多重口感，食落有層次，又香又濃
真係大大粒生蠔！無呃到秤^^
呢款好似小食嘅叫芝士酒盜魚腸，估唔到帶有少許辣味嘅魚腸同芝士仲有餅乾食入口係咁夾(魚腸口感同韓國辣魷魚好相似)
食完飯緊係要食返個甜品la，女人有2個胃架嘛^^
100%鮮果真果肉雪條有兩款口味：芒果&菠蘿
原隻芒果雪凍製成，無添加，真原味！
老闆試緊新菜式～送咗碟由日本空運到港番薯，即炸製成炸番薯比我地試，老闆話口感好似食緊燴番薯咁，Venus食落又真係以為食緊燴番薯woo^^ 原來將番薯炸就會變成燴番薯口感，又長知識了^^
串串居串燒專門店
地址：佐敦吳松街108號顯發大廈地下1號舖
電話：3483 4831
~~~~~~~~~~~~~~~~~~~~~~~~~~~~~~
免責聲明:
是次產品/產品資料由 品牌 提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。
希望大家鐘意今次我嘅分享la~
張貼
