影片
更多
2023-05-06
215 瀏覽
【九龍城區】【十八味私房牛肉麵】最近唔知係咪紅館又有 show，我就唔多緊貼呢啲資訊嘅，所以都唔知咩事。只見夜晚無啦啦紅磡站嗰邊又會突然間超多人，如果唔係演唱會散場，嗰個位係唔會忽然有咁多人出現吖嘛。所以又有個理由，畀我繼續做 1am紅館 系列。我上一段所講嘅多人，其實多數都係積喺紅磡站近尖沙咀東部嗰邊，而我之前亦都講咗啲嗰邊嘅嘢食。今次就講吓紅磡站另一邊，行去紅磡區嗰邊嘅嘢食，其實喺嗰邊行返過紅館都唔算遠，睇 show 前食個飯，輕輕鬆鬆行過去一直都係我推薦嘅方法。今次嚟到呢個位，係喺紅磡站行去黃埔花園中間嘅嗰堆。大家去到會見到附近都準備重建，所以當係睇多幾眼呢一帶嘅區域都好。而我選擇嘅呢一間嘢，以前好似有另一間「十八味功夫麻辣」開喺附近，不過我唔知啦，見呢間好似幾好咪入去。以為佢係台灣嘢，入到去其實都幾大陸 feel，周圍簡體字。唔理啦，都係一次半次，叫咗個「綜合牛魔皇」配「台灣麵」，有牛肋條、牛筋、牛展、金錢肚、滷肥腸。味道上，牛肋條幾香牛味，佢呢種整法幾出到啲牛味，其他嘢就只屬一般料。個所謂嘅慢煮筒骨湯只係一個骨湯底，都食到有啲口渴。側邊嘅配菜有半邊勁細嘅滷蛋，冇乜特別，個中華
我上一段所講嘅多人，其實多數都係積喺紅磡站近尖沙咀東部嗰邊，而我之前亦都講咗啲嗰邊嘅嘢食。今次就講吓紅磡站另一邊，行去紅磡區嗰邊嘅嘢食，其實喺嗰邊行返過紅館都唔算遠，睇 show 前食個飯，輕輕鬆鬆行過去一直都係我推薦嘅方法。
今次嚟到呢個位，係喺紅磡站行去黃埔花園中間嘅嗰堆。大家去到會見到附近都準備重建，所以當係睇多幾眼呢一帶嘅區域都好。而我選擇嘅呢一間嘢，以前好似有另一間「十八味功夫麻辣」開喺附近，不過我唔知啦，見呢間好似幾好咪入去。
以為佢係台灣嘢，入到去其實都幾大陸 feel，周圍簡體字。唔理啦，都係一次半次，叫咗個「綜合牛魔皇」配「台灣麵」，有牛肋條、牛筋、牛展、金錢肚、滷肥腸。味道上，牛肋條幾香牛味，佢呢種整法幾出到啲牛味，其他嘢就只屬一般料。
個所謂嘅慢煮筒骨湯只係一個骨湯底，都食到有啲口渴。側邊嘅配菜有半邊勁細嘅滷蛋，冇乜特別，個中華沙律都係咁，反而有塊哈密瓜做飯後果幾得意，我都有食嘅。而嘢飲我加 $12 叫咗個「芋泥仙草奶茶」，得舖甜，冇感覺，夾埋咁就 $100 埋單。
之前說服咗自己，食過一餐都可以出 post，的確緩解咗我唔少金錢上同埋出文上嘅壓力，而家都叫仲有幾篇喺手可以慢慢出。本來今日想因應傳媒報導而出返篇白俄飲食特輯嚟向難民致敬，但係我呢啲飲食帳户無謂搞形式主義，加上我主打本土十八區嘢，唔好離題。。。
（地址：九龍紅磡明安街5號黃埔唐樓C座地下110號舖）
張貼
