鳴虎 (北帝街) (已結業)

【九龍城區】【鳴虎】一向呢啲我都中意即食即寫即出，原因有幾個，首先係感受最深，嗰一刻食嘅時候諗到見到啲乜就即刻記錄低。而且我要出稿嘅話，讀者好多時都認為係當日嘅嘢，所以就迎合吓啦。平時比較少機會去土瓜灣嗰邊，不過講到去嗰度又唔算好難，土瓜灣站出行十分鐘內都到。再講簡單啲，其實佢就喺「欣榮商場」對面，呢個名係喺「欣榮花園購物商場命名比賽」裡面，喺 39 個參賽者當中精心挑選嘅冠軍嚟，個名都有心思架。入到去雖然有啲阻滯，不過侍應招待都非常殷切，仲介紹咗幾樣比較多人叫嘅畀我。咁我主食就食呢個「黑鳴虎」，即係博多黑蒜油拉麵，我覺得黑蒜油感覺唔算好出，叉燒、溏心蛋、拉麵底都冇乜突出表現，反而佢本身個湯底唔錯喎，好飲。喺主食之外，侍應表示本身芝麻雞翼都好多人叫，亦都好味，不過今日冇貨。不過我叫嘅「肉餃子」，同樣都係店內非常受歡迎嘅菜式。佢唔同長身嗰款日式煎餃咁會煎埋一餅，而係分返開一隻隻咁嘅，不過味道一樣咁好，啖啖肉，幾好食。嘢飲方面，本身餐牌上面嘅可樂、雪碧邊滿足到我，侍應就同我講仲有冬日飲品，我本身仲有一絲猶豫之下，侍應話可以凍飲或者熱飲。我即刻決定要凍「蜂蜜生薑茶」，果然冇令我失望，有生薑嘅