影片
更多
2023-05-06
1285 瀏覽
【九龍城區】【黃明記粥粉麵家】好耐之前有位朋友介紹過呢間，想試好耐但一直都苦無機會。直到屯馬線貫通以及新站開通，去九龍城方便咗好多喇，咁我先至的起心肝去。點知去到又發現佢冇開門，唔知係執咗定係乜嘢。正當我困擾之際，就發現原來佢只係搬咗舖。入到去第一個印象係好新淨，應該嗰時係啱啱搬舖冇耐，所以啲嘢都好新，出稿嘅時候就未必喇，哈哈，不過我估點都企理過舊舖掛，好似之前講過嘅榮發咁。一直打算問返嗰位朋友，究竟呢間嘢係乜嘢好食，不過都不獲回覆，咁求其食算喇。最無諗頭而又想試啲嘢嘅時候，就整個「四寶」淨食，裡面有墨魚丸、豬肉丸、魚蛋同埋魚皮餃，我覺得墨魚丸幾特別，唔會話好大陣味，但係清清哋幾好入口。而魚皮餃都幾飽滿同埋個餡幾實在，其他兩款就只屬正常料，$47 一碗又唔平喎。當時我係未說服自己食一樣嘢都可以開 post 嘅，加上仲有容量，就叫多碗「豬什鬚」淨食，顧名思義就係豬雜同墨魚鬚。豬雜的確係乜都有，但係冇一樣嘢突出，豬潤仲好似有啲鞋口。不過個墨魚鬚幾新鮮，而且煮得啱啱好，口感唔錯。呢碗嘢 $50 嘅價錢，有豬雜食，算啦，呢啲嘢感覺係粗嘢但賣出嚟就係咁嘅價錢，少人做就做得到物以罕為貴嘅效果喇。杯
入到去第一個印象係好新淨，應該嗰時係啱啱搬舖冇耐，所以啲嘢都好新，出稿嘅時候就未必喇，哈哈，不過我估點都企理過舊舖掛，好似之前講過嘅榮發咁。一直打算問返嗰位朋友，究竟呢間嘢係乜嘢好食，不過都不獲回覆，咁求其食算喇。
最無諗頭而又想試啲嘢嘅時候，就整個「四寶」淨食，裡面有墨魚丸、豬肉丸、魚蛋同埋魚皮餃，我覺得墨魚丸幾特別，唔會話好大陣味，但係清清哋幾好入口。而魚皮餃都幾飽滿同埋個餡幾實在，其他兩款就只屬正常料，$47 一碗又唔平喎。
當時我係未說服自己食一樣嘢都可以開 post 嘅，加上仲有容量，就叫多碗「豬什鬚」淨食，顧名思義就係豬雜同墨魚鬚。豬雜的確係乜都有，但係冇一樣嘢突出，豬潤仲好似有啲鞋口。不過個墨魚鬚幾新鮮，而且煮得啱啱好，口感唔錯。
呢碗嘢 $50 嘅價錢，有豬雜食，算啦，呢啲嘢感覺係粗嘢但賣出嚟就係咁嘅價錢，少人做就做得到物以罕為貴嘅效果喇。杯「凍檸茶」冇得跟餐，都係散叫，價值 $18，本身就咁睇佢同其他地方比就唔貴嘅，但係冇得跟餐被逼散叫就甘啲咁解。
佢嗰邊餐廳都幾多選擇，不過佢做得住仲可以長期都多人幫襯一定有佢致勝之道。不過我又真係食唔到令我一定要回頭嘅嘢食，所以就唔算吸引。唯有等識飲識食嘅大家留言提供資訊，睇吓邊樣先係最好食嘅嘢，我就真係唔知，今次靠晒大家。。。
（地址：九龍城沙埔道40-42號地舖）
#1amfoodie #foodie #hkfoodie #thatfoodiething #hkfood #food #instafood #yummy #delicious #1ambackup #1am0523 #globaleats #tastyfood #foodpics #followforfollowback #love #eat #1am九龍城區 #九龍城 #宋皇臺 #黃明記粥粉麵家 #黃明記 #粥粉麵 #四寶 #墨魚丸 #豬肉丸 #魚蛋 #魚皮餃 #豬雜 #墨魚鬚
張貼
