禮記自助蒸氣鍋 (已結業)

話說約朋友係九龍灣食飯，真心唔知有咩好食，天氣涼，更加想烚下烚下。傳統酒樓嘅火鍋又貴又唔係特別抵，朋友搵到呢間，就食下。要有鍋蒸鍋，粥底又要好味，呢間真心有驚喜！我地係平日夜晚去，仲要6點半已經開始食，都有幾枱人。（影相避開人啦當然）我地當然揀一個近攞食物嘅一張枱，我地6個餓到一個點。有教你蒸咩要幾多分鐘，一目了然。（雖然我地無睇，大概知道同睇食物顏色）多嘢揀，呢啲料全部任攞，菜類肉類丸類乜都有。無論對蒸鍋定火鍋，都係多選擇。有一個位可以強推一下，有個鐵板燒位，客人可以自己燒嘢食。我地係勁玩呢個位，牛肉包金菇是非常正（自創分狂加）。職員推介鯇魚（應該係），放啲豆豉上去蒸，真係好好味！放係碟上，係唔想啲豆鼓跌左落去粥度。海鮮係好正！一人一隻鮑魚，一人食到幾隻中蝦，仲有一堆蜆，質素係唔差！佢呢個粥底唔係講笑，一人一定有兩碗，而且係鮮甜。佢個鍋係有「翻滾」，下面有噴水出黎，唔會痴底。飲品選擇算係多。一人140元唔駛，享受快樂時光，食物質素不錯，蒸鍋鐵板都得，環境舒服，強力推介（身上有陣邊爐味都係出到街先發現）。