影片
更多
2023-05-04
654 瀏覽
【元朗區】【帝豪海鮮酒家高級宴會廳】之前都講過，不過呢排識咗啲新朋友所以再講一次，我係因為疫情原因帶唔到義工隊，所以先屎忽痕走嚟開個 foodie account 玩吓。由於冇諗住長做，所以根本唔需要逢迎呢個行業啲所謂「老行尊」去令自己增加工作機會。早前疫情有減退現象，自己服務開嗰間長者中心就搵埋我同啲長者一齊去大棠睇紅葉，意味住我又要倒塔咁早起身。不過有義工做就係開心，啲認得我嘅長者都話好耐冇見，其實都好掛住我咁話。哈哈，我都好想個地球可以盡快回復正常呀。同啲長者一齊睇完紅葉就完成服務喇，之後我哋成班一齊食飯。素聞呢度間帝豪酒樓啲糯米飯同其他嘢都做得唔錯，所以就過咗嚟。一去到就好似打仗咁，問吓調張枱都差啲搞到啲侍應互相開片，然後又有客人發脾氣掟魚肚，啲汁彈到我吖嘛。〈按：不過如果彈到衫褲可以搵西營盤 123 洗衣店〉喺個污煙瘴氣嘅氛圍之下，都叫咗啲嘢食，主食方面，價值 $73 嘅「粟米雞粒飯」我冇掂過，一上菜已經掃晒，八個人應該得我食唔到。不過我食返兩碗個特價 $88 嘅「芝士海蝦伊麵底」都好，真心幾好食，啲伊麵索晒個芝士汁，極度邪惡。之後就到期待咗一陣嘅「生炒糯米飯」，$98 嘅價
早前疫情有減退現象，自己服務開嗰間長者中心就搵埋我同啲長者一齊去大棠睇紅葉，意味住我又要倒塔咁早起身。不過有義工做就係開心，啲認得我嘅長者都話好耐冇見，其實都好掛住我咁話。哈哈，我都好想個地球可以盡快回復正常呀。
同啲長者一齊睇完紅葉就完成服務喇，之後我哋成班一齊食飯。素聞呢度間帝豪酒樓啲糯米飯同其他嘢都做得唔錯，所以就過咗嚟。一去到就好似打仗咁，問吓調張枱都差啲搞到啲侍應互相開片，然後又有客人發脾氣掟魚肚，啲汁彈到我吖嘛。
〈按：不過如果彈到衫褲
可以搵西營盤 123 洗衣店〉
喺個污煙瘴氣嘅氛圍之下，都叫咗啲嘢食，主食方面，價值 $73 嘅「粟米雞粒飯」我冇掂過，一上菜已經掃晒，八個人應該得我食唔到。不過我食返兩碗個特價 $88 嘅「芝士海蝦伊麵底」都好，真心幾好食，啲伊麵索晒個芝士汁，極度邪惡。
之後就到期待咗一陣嘅「生炒糯米飯」，$98 嘅價錢，又真係做得幾好食，將糯米嘅香味帶到另一個層次。而另外嗰個主食「迷你燒汁牛柳絲炒稻庭烏冬」，雖然價錢都要 $73，但係同以上嗰三款主食比較，都係相形見絀，雖然其實都係 okay 嘅。
好喇，到點心喇，主要都係叫下午茶點心，優惠價 $24.8 就食到「鮮蝦生煎腐皮卷」，正常水準，本身呢樣嘢我覺得好食嘛。兩碟「蟹籽北菰燒賣」啱啱好夠我哋食，一碟 $24.8，其實都好好食，豬肉燒賣嚟講我覺佢呢個都真心算幾唔錯。
之後嚟兩碟特點嘅「帝豪蝦餃皇」，每碟 $33.8，但冇咗燒賣嘅驚喜，只能講係中間至中上嘅水準啦。「鴛鴦臘腸卷」係下午茶 $24.8，我冇份食唔評論啦。另外，中點 $25.8 嘅「香煎臘味芋頭糕」同下午茶 $15.8 嘅「香煎臘味蘿蔔糕」都屬普通料。
總括而言，呢間啲嘢食誠然真係幾唔錯，甚至算得上係好好食，不過由等位開始，直到最後臨埋單之前先開到咭，又有一連串嘅口舌之爭，都覺得佢哋啲服務認真要改善吓。顧客唔係永遠是對的，不過啲伙記都唔好咁痴線吖大佬。。。
（地址：元朗大棠路41-59號金朗大廈地下至2樓）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0539 #globaleats #tastyfood #foodpics #followforfollowback #love #eat #1am元朗區 #元朗 #朗屏 #大棠路 #帝豪海鮮酒家高級宴會廳 #帝豪海鮮酒家 #帝豪 #酒樓 #酒家 #中式點心 #糯米飯
14 瀏覽
0 讚好
0 留言
張貼
