Eggcellent 852

營業中

休息中

話說呢間小店 @eggcellent852 之前喺沙田做雞蛋仔出晒名，不過之後因為某啲問題結業。無耐又喺元朗開返舖頭，但就喺工業區，入面比較難去。小編一直都想去拜訪，但都冇咁嘅時間。而家佢終於喺元朗市中心開咗地舖，一定要去試吓啦！雙重開心果格仔餅$42利申咗先，小編攞到大概10分鐘之後先食，食評未必好準確。格仔餅外表呈金黃色，啱啱買嘅時候係熱辣辣嘅，但亦都見到表面油分比較多。之後食嘅時候仍然有少少脆口，入面鬆軟，有微微嘅蛋香。擺咗10分鐘來講，小編係收貨嘅。至於佢入面嘅餡料係雙重開心果，即係開心果醬同開心果碎，份量非常之足。不過佢嘅開心果醬係冇乜調味嗰種，好單純嘅堅果香味，同小編想像嘅有啲出入，以為佢係甜甜地嘅。味道：6.9/10正宗豬柳蛋雞蛋仔$42第二日小編就去試佢哋最出名嘅豬柳蛋雞蛋仔。今次小編就即攞即食，表面嘅油分冇格仔餅咁多。食落更加香脆，每粒雞蛋仔入面粉漿部份亦都鬆軟，而且有蛋香。餡料非常飽滿，粒粒都有唔少嘅豬柳、芝士同蛋，尤其芝士同黑椒味特別突出，非常惹味。味道：7.8/10我整體小編會覺得雞蛋仔比較好食，或者係開心果嗰款唔係太適合小編口味，而且特別嘅口味相對都比較貴，特