影片
更多
2025-02-08
0 瀏覽
工廈真係有好多寶！勁多高質餐廳臥虎藏龍，最緊要係高質得黎經濟實惠，平民都唔會有負擔。🌖日本飛驒牛漢堡滑蛋蓋鐵板拌飯 $89漢堡超厚身！而且多汁唔乾！唯一係略有少許筋，但呢個價錢絕對已經係值回票價；滑蛋都幾嫩滑，旋風蛋需要久經訓練，所以都係去餐廳食啦；醬汁方面偏向似燒汁，但又唔會太甜同太稠，唔會膩口；菜式嘅顏色主調係黃色同啡色，另外仲有一粒紅色番茄仔作點綴，加返少少綠色蔬菜嘅話會更吸引。🌗韓式辣汁海鮮意粉配煙三文魚 $68海鮮都有唔少，例如有青口、蜆、魷魚等，而且仲有大大朵煙三文魚花；味道方面平易近人，唔會太辣。🌖朱古力心太軟配雪糕 追加甜品+$32心太軟新鮮即制，夠曬新鮮熱辣，配上雪糕冰火交融～切開後有大量朱古力漿如熔岩般流出，味道又唔會太甜或者涸喉，跟餐只+$32係幾抵食。🌖玉桂蘋果烤批配雪糕 追加甜品+$32蘋果批上除左有又雲呢拿味雪糕之外仲有cream，可惜遲咗送餐，未能為佢留下最美一刻🫣。批皮夠薄夠脆，蘋果唔會Overcook煮得太淋，帶有淡淡酸味，肉桂味又唔會太重，各方面都幾平衡，值得encore！🌗愛爾蘭咖啡 原價$58 跟餐半價睇英文先知係Baileys Iris cof
🌖日本飛驒牛漢堡滑蛋蓋鐵板拌飯 $89
漢堡超厚身！而且多汁唔乾！唯一係略有少許筋，但呢個價錢絕對已經係值回票價；滑蛋都幾嫩滑，旋風蛋需要久經訓練，所以都係去餐廳食啦；醬汁方面偏向似燒汁，但又唔會太甜同太稠，唔會膩口；菜式嘅顏色主調係黃色同啡色，另外仲有一粒紅色番茄仔作點綴，加返少少綠色蔬菜嘅話會更吸引。
🌗韓式辣汁海鮮意粉配煙三文魚 $68
海鮮都有唔少，例如有青口、蜆、魷魚等，而且仲有大大朵煙三文魚花；味道方面平易近人，唔會太辣。
🌖朱古力心太軟配雪糕 追加甜品+$32
心太軟新鮮即制，夠曬新鮮熱辣，配上雪糕冰火交融～切開後有大量朱古力漿如熔岩般流出，味道又唔會太甜或者涸喉，跟餐只+$32係幾抵食。
🌖玉桂蘋果烤批配雪糕 追加甜品+$32
蘋果批上除左有又雲呢拿味雪糕之外仲有cream，可惜遲咗送餐，未能為佢留下最美一刻🫣。批皮夠薄夠脆，蘋果唔會Overcook煮得太淋，帶有淡淡酸味，肉桂味又唔會太重，各方面都幾平衡，值得encore！
🌗愛爾蘭咖啡 原價$58 跟餐半價
睇英文先知係Baileys Iris coffee，咖啡內本身已有奶酒，唔知本身已有奶酒嘅情況下加咗焦糖🫣，味道太甜，強烈建議大家唔好加焦糖，除非你係螞蟻人～
-
#soso_foodie2025 #soso_hk2025
#soso_100至200元 #觀塘工廈 #朱古力心太軟 #蘋果批 #飛驒牛 #漢堡
想睇同區食店介紹？可以參考👇🏻👇🏻
#soso_九龍 #soso_觀塘
想睇同類食物介紹？可以參考👇🏻👇🏻
#soso_西式 #soso_日式 #soso_港式
#soso_cafe #soso_甜品
張貼
