英發茶餐廳

營業中

休息中

【北區】【英發茶餐廳】上次喺北區嘅 post 我講到自己被冠以「茶記 Foodie」嘅稱號，不過嗰次雖然係茶餐廳牌頭，但係其實係講醉雞鍋，有留心睇嘅讀者又可以有多一個選擇。有時我都想做到少少就係可以有啲私心，益吓啲真係忠實啲嘅讀者。可惜嘅係今次可能大家會有少少失望，因為呢間茶記只屬非常一般嘅充飢之選。有人問過我，點解我介紹嘅餐廳唔係間間好食，首先我冇推薦啲普通嘅餐廳，其次就係獎勵返啲會睇字嘅讀者，第三係人生梗係有起有跌有伏。咁嚟到上水呢間嘢嘅狀態係被人呃咗入嚟上水話食嘢，但最後冇嘢食，所以係帶住個嬲嬲哋嘅情緒嚟呢度食個「西式下午茶餐」，茶記食乜好？梗係西多士。叫個 $39 嘅「法蘭西多士」，好正常嘅水準，係有夾花生醬嗰隻。個餐跟嘢飲，我大灑金錢，用咗 $3 要「凍檸茶」走甜，都係合理嘅味道，冇意見。埋單 $42 冇嘢好講，真係好普通嘅一間茶記。食咗件西多士餐又冇乜可能就咁出 post，隔咗一排就二訪咗佢，不過下晝去，又係食下午茶。今次就因為之後又係有飯局，所以唔想食太飽，叫咗個 $41 嘅「火腿奄列配各式多士半件」，問定阿姐，個多士係牛油多士嚟，味道普通。而件火腿奄烈隻蛋就偏老，唔太吸