掌壽司 (已結業)

▫️碎蔥吞拿魚茸海膽最中餅呢個最中餅真係幾有創意、特色，從來無諗過刺身可以咁樣配搭，用個花型既脆脆餅夾住，唔洗食重澱粉質既壽司飯之餘，又可以令海膽同吞拿魚茸提供到另一種口感，入面仲加左少少三文魚籽同埋紫蘇葉，提升左整個味道。▫️芝士鰻魚卷一啖擺入口，好濃郁既芝士味，幸好中間夾左絲絲青瓜，剛好可以中和芝士既油膩感▫️油甘魚刺身& 日本活赤貝一款林身既刺身加埋一款爽口既刺身，係夾既，食落又有鮮味，並唔係d雪左好耐既刺身▫️燒帆立貝 &燒牛舌大大隻連殼裝住d醬汁一齊上，牛舌好厚身又一d都唔難咬，咬入去仲有d汁滲出黎，總括d燒物唔會燒到太乾身呀▫️大蔥雞肉串大蔥成為左亮點，佢一層層都沾了醬汁，食落去成粒都好juicy▫️滑蛋吉列豬柳飯唔好諗住係好普通既滑蛋飯，廚師好有花思處理個sauce，又有少少酸酸地既味道彈出黎，令到你唔會飽飽滯滯咁，旁邊灑上脆脆片，去到最後一道菜，仲可以提起番個食慾真係唔容易，我地竟然仲可以清哂成碟飯，平凡之中帶點不平凡。最後仲有芝麻雪糕同埋薑汁豆腐雪糕，兩隻味道都好濃郁，但我好鍾意薑汁豆腐呀，少見d，有記憶點。