吉祥冰室 (已結業)

疫情肆虐，好多餐廳都唔開堂食。今日入朗屏做嘢撞正下午茶時間，梗係要tea一tea😼一直向朗屏地鐵站方向，去到賢坊街市，見到間冰室都幾多街坊等緊外賣就入去試下。綠色門面加上小黃圓燈，我估係裝修無耐。坐低就感受到同一般茶記唔同。張凳係湖水綠嘅中式鼓凳，上面印有我鍾意嘅花花。啲牙籤筒同辣椒盒都好講究，牙籤筒好似古玩咁，至於辣椒盒就直情係青花瓷印花，總之好古色古香( ´ ▽ ` )ﾉ從歐洲返黎成半年，好耐冇食港式炒意粉🍝，於是就嗌嗰海鮮黑椒炒意粉。熱辣辣唔洗幾分鐘就上菜，效率好高！意粉上面糝咗啲白芝麻，攪勻佢黎食黑椒味好我食到最後一條都唔會死鹹，唔覺得口渴！依點非常抵讚👍所以去到最後先一次過飲晒杯熱檸水🍋同埋通常茶記因為要快手快腳，有時候食材會有切得唔均衡情況出現。呢碟意粉又唔會，紅椒、青蔥同洋蔥都切得非常細條，所以撈埋韌勁啱啱好嘅意粉食非常好味食完就走先留意到卡位上面有「知足常樂」四字，今日好感恩搵到堂食呀～～*綠色皮椅無端端諗起王家衛嘅花樣年華裡面梁朝偉同張曼玉面對面鋸扒嘅情景 ヾ(*´∇`)ﾉ