影片
更多
2023-04-05
596 瀏覽
餐廳環境一流，清靜寬敞有情調，而家仲有優惠五重奏，非常適合慶生或者鍾意飲酒🍻嘅朋友。優惠包括：⭐️訂座優惠：贈串燒拼盤⭐️生日優惠：贈送甜品，免切餅費⭐️惠顧生蠔/燒蠔🦪贈送日本清酒/法國白酒⭐️三得利生啤/黑啤🍻買一送一⭐️特色飲品🍹買一送一🌗串燒六式拼盤(鹽燒） $268🌖荔枝五花肉 $32六式拼盤分別有雞翼、五花荔枝肉、和牛、雞肉、羊肉、牛舌。當中最為推介牛舌同埋五花荔枝肉，牛舌外脆內軟，肉質鬆化，帶有午餐肉果種鹹香；五花荔枝肉鹹中帶甜，荔枝嘅香甜中和咗五花肉嘅油膩感，食多幾粒都唔會滯。🌖特選壽司三式拼盤(6件） $125🌗帶子壽司 $48件件魚生都𠝹曬花，靚相已經夠曬先聲奪人！三式拼盤分別為三文魚，吞拿魚、甜蝦。三文魚同吞拿魚都大片又夠厚，肉質緊緻無筋，同醋飯比例啱啱好，size 唔會太大，可以輕鬆入口。帶子則略欠鮮甜，可以省略。 🌖海老野菜天婦羅烏冬 $128天婦羅有兩隻蝦🦐、南瓜、冬菇等野菜天婦羅；天婦羅蝦帶膏，但肉質較鬆散未夠彈牙；各款野菜仍保留水份👍🏻，但又唔會有蔬菜嘅草青味或者菇菌類嘅噏味；烏冬軟滑得黎有咬口，分量較想像中多，足以餵飽一般女生。🌖蒲燒鰻魚玉子丼 $138鰻魚肥美
⭐️訂座優惠：贈串燒拼盤
⭐️生日優惠：贈送甜品，免切餅費
⭐️惠顧生蠔/燒蠔🦪贈送日本清酒/法國白酒
⭐️三得利生啤/黑啤🍻買一送一
⭐️特色飲品🍹買一送一
🌗串燒六式拼盤(鹽燒） $268
🌖荔枝五花肉 $32
六式拼盤分別有雞翼、五花荔枝肉、和牛、雞肉、羊肉、牛舌。
當中最為推介牛舌同埋五花荔枝肉，牛舌外脆內軟，肉質鬆化，帶有午餐肉果種鹹香；五花荔枝肉鹹中帶甜，荔枝嘅香甜中和咗五花肉嘅油膩感，食多幾粒都唔會滯。
🌖特選壽司三式拼盤(6件） $125🌗帶子壽司 $48
件件魚生都𠝹曬花，靚相已經夠曬先聲奪人！三式拼盤分別為三文魚，吞拿魚、甜蝦。三文魚同吞拿魚都大片又夠厚，肉質緊緻無筋，同醋飯比例啱啱好，size 唔會太大，可以輕鬆入口。帶子則略欠鮮甜，可以省略。
🌖海老野菜天婦羅烏冬 $128
天婦羅有兩隻蝦🦐、南瓜、冬菇等野菜天婦羅；天婦羅蝦帶膏，但肉質較鬆散未夠彈牙；各款野菜仍保留水份👍🏻，但又唔會有蔬菜嘅草青味或者菇菌類嘅噏味；烏冬軟滑得黎有咬口，分量較想像中多，足以餵飽一般女生。
🌖蒲燒鰻魚玉子丼 $138
鰻魚肥美，鰻魚醬汁適量，唔會太鹹或者太甜。
🌗紅豆抹茶奶凍 $48
奶凍滑溜，咬落帶有脆度，質感類似寒天😮，抹茶味略嫌不足，勝在紅豆唔會太甜，整體容易入口，感覺輕盈。
🌗日式千層蛋糕 $58
千層蛋糕唔會太膩，中間芒果餡層質感似啫喱，如果面頭淋上芒果醬會更好。
張貼
