影片
更多
2023-03-10
2710 瀏覽
放假都會帶屋企人周圍行下食下野，前排就去左西貢，更加去埋人氣酒店新推出嘅「周末假日海鮮自助午餐」（星期六、日及公眾假期12-2：30pm），$468/位有即開生蠔、即燒龍蝦鉗、即炸天婦羅，絕對幾易回本！酒店近海，由西貢市中心行海旁過去吹吹海風，真係幾寫意！WM咖啡廳嘅景致都唔錯，坐近窗邊位置更加可以望到白色拱門位置，幾舒服。【必食之選：即開生蠔、即燒龍蝦鉗、即炸天婦羅】鍾意食海鮮嘅人一定回到本，由生到熟包括刺身、凍海鮮、即開生蠔、燒物都有海鮮款！個人推介必食以下款式：1. 即開生蠔🦪- 係師傅即場開，每次2隻，無限次任攞！（當日應該食左有成一打！） - 師傅好認真處理生蠔，會洗乾淨，所以可以放心食- 生蠔係比較爽口，海水味比較重，有部分更加好肥美，味道幾鮮甜2. 即場燒龍蝦鉗🦞- 每隔一段時間師傅都會燒龍蝦鉗，大大隻都幾多肉，燒到香口，味道幾甜。PS記得要留意住幾時燒，然後去攞。餐廳都好貼心整碎了蟹殼，所以食起上來好方便3. 即炸天婦羅🍤- 好少見酒店buffet有即炸天婦羅，睇睇點炸起都幾特別。- 主要炸各款蔬菜如南瓜、番薯、秋葵等，因爲新鮮炸起關係，包保夠脆口，而且炸皮薄唔油膩，真
放假都會帶屋企人周圍行下食下野，前排就去左西貢，更加去埋人氣酒店新推出嘅「周末假日海鮮自助午餐」（星期六、日及公眾假期12-2：30pm），$468/位有即開生蠔、即燒龍蝦鉗、即炸天婦羅，絕對幾易回本！
週末海鮮自助餐
55 瀏覽
0 讚好
0 留言
酒店近海，由西貢市中心行海旁過去吹吹海風，真係幾寫意！WM咖啡廳嘅景致都唔錯，坐近窗邊位置更加可以望到白色拱門位置，幾舒服。
【必食之選：即開生蠔、即燒龍蝦鉗、即炸天婦羅】
鍾意食海鮮嘅人一定回到本，由生到熟包括刺身、凍海鮮、即開生蠔、燒物都有海鮮款！個人推介必食以下款式：
生蠔
37 瀏覽
0 讚好
0 留言
1. 即開生蠔🦪
- 係師傅即場開，每次2隻，無限次任攞！（當日應該食左有成一打！）
- 師傅好認真處理生蠔，會洗乾淨，所以可以放心食
- 生蠔係比較爽口，海水味比較重，有部分更加好肥美，味道幾鮮甜
龍蝦鉗
58 瀏覽
0 讚好
0 留言
龍蝦鉗
48 瀏覽
0 讚好
0 留言
2. 即場燒龍蝦鉗🦞
- 每隔一段時間師傅都會燒龍蝦鉗，大大隻都幾多肉，燒到香口，味道幾甜。PS記得要留意住幾時燒，然後去攞。餐廳都好貼心整碎了蟹殼，所以食起上來好方便
3. 即炸天婦羅🍤
- 好少見酒店buffet有即炸天婦羅，睇睇點炸起都幾特別。
- 主要炸各款蔬菜如南瓜、番薯、秋葵等，因爲新鮮炸起關係，包保夠脆口，而且炸皮薄唔油膩，真係幾有水準！
青口
35 瀏覽
0 讚好
0 留言
4.凍海鮮 🦞🦐
- 有三款，不過個人最最最推介青口，esp 大大隻果D，肉質肥美得來好鮮甜。
5.串燒 🍢
- 仲有幾款唔同嘅燒物，本來以爲一串串圓形粒粒係魚蛋，點知原來係鷄肉包雞軟骨串，入面粒粒爽口雞軟骨，正！
- 另外大啡菇都係我encore左幾次嘅款式，燒得香口，厚肉juicy
【有水準甜品】
估唔到甜品都幾有水準，特別係芝士蛋糕同雜莓千層酥，芝士蛋糕creamy texture得來唔會太甜，而千層酥餅底好脆。
除左以上，仲有好多熟食、salad bar、拉麵等選擇，lunch buffet來説，都算多款式。
【飲品任飲】
自助餐都有飲品bar，好多飲品任飲，有咖啡機、西柚汁等，果汁更加有鮮搾果肉，超有誠意。
2個半鐘頭嘅lunch buffet真係可以慢慢嘆、慢慢食，然後再去西貢海旁/碼頭行下，過一個悠閑假日下午
張貼
