影片
更多
2023-04-21
791 瀏覽
呢幾年將軍澳海濱愈嚟愈多餐廳，但其實除咗沿海果堆餐廳外都仲有部分隱世餐廳都一樣好令好啱打卡。今次介紹呢間餐廳係位於藍塘傲同Capri中間嘅一條小街，餐廳室內係巴里裝修風格，有好多特色位置比大家影相！———————————————🌟混合香料燒原隻大魷魚 $168大魷魚真係名副其實嘅大魷魚，好少機會可以食到原隻咁大條，咬落啖啖肉真係超滿足。餐廳仲有特調嘅香料，鍾意辣嘅朋友仔可以直接點醬汁，果隻醬真係平時食泰國串燒果皇超辣醬，辣得好爽。唔鍾意食辣嘅朋友仔就可以點少少香辣粉食，味道唔太辣，反而係香味襯托為主。完全唔食辣嘅朋友就可以試下原汁原味，一樣有滿滿嘅孜然味！.🌟黑松露薯條 $78呢個薯條面頭都有曬上少少松露香料，但最妙嘅地方其實係佢果個醬汁，食落除咗好濃嘅黑松露味外仲有少少蜜糖芥末嘅感覺，唔覺唔覺就會令人食上癮～.🌟飛天炒素菜 $88呢碟炒素菜涉及咗好多種蔬果，包括白邊豆、粟米筍、脆肉瓜同菇等等，雖然有好多唔同蔬果，但熟成度都炒得啱啱，基本上都爽口。飛天醬調得唔錯，呢個醬分分鐘令平時唔食菜嘅朋友都會愛上～.🌟醬燒法國無激素春雞配印尼加多加多醬 $268加多加多醬真係好特別，上網睇先知其實
呢幾年將軍澳海濱愈嚟愈多餐廳，但其實除咗沿海果堆餐廳外都仲有部分隱世餐廳都一樣好令好啱打卡。今次介紹呢間餐廳係位於藍塘傲同Capri中間嘅一條小街，餐廳室內係巴里裝修風格，有好多特色位置比大家影相！
———————————————
🌟混合香料燒原隻大魷魚 $168
大魷魚真係名副其實嘅大魷魚，好少機會可以食到原隻咁大條，咬落啖啖肉真係超滿足。餐廳仲有特調嘅香料，鍾意辣嘅朋友仔可以直接點醬汁，果隻醬真係平時食泰國串燒果皇超辣醬，辣得好爽。唔鍾意食辣嘅朋友仔就可以點少少香辣粉食，味道唔太辣，反而係香味襯托為主。完全唔食辣嘅朋友就可以試下原汁原味，一樣有滿滿嘅孜然味！
.
🌟黑松露薯條 $78
呢個薯條面頭都有曬上少少松露香料，但最妙嘅地方其實係佢果個醬汁，食落除咗好濃嘅黑松露味外仲有少少蜜糖芥末嘅感覺，唔覺唔覺就會令人食上癮～
.
🌟飛天炒素菜 $88
呢碟炒素菜涉及咗好多種蔬果，包括白邊豆、粟米筍、脆肉瓜同菇等等，雖然有好多唔同蔬果，但熟成度都炒得啱啱，基本上都爽口。飛天醬調得唔錯，呢個醬分分鐘令平時唔食菜嘅朋友都會愛上～
.
🌟醬燒法國無激素春雞配印尼加多加多醬 $268
加多加多醬真係好特別，上網睇先知其實本身係一種印尼沙律醬，不過其實食落佢係類似一種沙嗲醬嘅感覺，食落甜甜的。燒春雞除咗雞脾同雞翼外係完全無骨，食得好方便。隻雞本身係偏小型嘅一種，食落啲肉好嫩滑，個皮亦都燒得好香脆。
.
🌟冬陰公慢煮雞湯 $118
呢個冬陰公同平時嘅冬陰公味道真係大不同，淨係睇相您就已經可以睇到呢個湯睇落好清，唔係平時好橙紅色果種。入面有少少菌類同三塊超嫩嘅雞肉，經過慢煮雞肉都比較軟腍。不過湯嘅味道同想像中好唔一樣，佢係有少少冬陰公香料嘅味道但飲落會有少少酸澀味，我個人覺得凍咗後仲有少少似飲西柚汁嘅感覺，都係一款好特別嘅菜式。
張貼
