The Lounge

營業中

休息中

一年一度同朋友一齊黎嘆個tea，坐係半圓梳化位，可以嘆足一個下午。呢間酒店算新，啲設施仍然ok，喜歡佢好舒服嘅感覺。坐係度真係唔覺時間過㗎可以坐呢邊半圓位，私隱度都幾好，真係講咩都得。兩位538，如果做佢酒店會員（免費㗎，不過要等2個星期左右），仲有折。有熱食，幾特別，唔會伏，味道都唔錯。蛋糕類，酥同鬆餅款都ok，完全係有讚無彈。係有一個藍紋芝士我地都唔係太識食，覺得唔啱胃口。朋友另外order小蛋糕，呢個蛋糕好味，係青蘋果，唔係假甜假味，有埋餅底，口感一流。再黎latte一杯，好圓滿啦，由2點半坐足3個幾4個鐘，傾計都傾得好暢快。入夜後又另一種感覺。