影片
更多
2023-08-11
465 瀏覽
上次過嚟H8食飯都有留意開咗間新式點心店，見到餐牌都有好多比較特別嘅點心，所以今次就同朋友專登過嚟試吓。一出lift已經見到餐廳環境，整體都坐得好舒適同埋空間都比較大，服務員都好主動地招呼同提供茶水。佢比起一般茶樓有更多嘅茶水選擇，我同朋友就選擇咗桂花烏龍，一倒就已經有非常濃郁嘅桂花清香，即時已經有心曠神怡嘅感覺，再加上佢精緻嘅茶具整體感覺都好唔錯。———————————————🌟酸菜魚 $238其實本身係想專注返係點心，但歐為酸菜魚愛好者見到都係忍唔住叫咗一份XD 第一啖湯飲落去覺得略淡，但原來係因為自己冇好好撈勻，撈完之後成個菜式味道都唔一樣，咸辣適中，感覺仲有少少甜味，最突出嘅地方係佢比一般食開嘅都麻，食到一半個唇完全係麻到超爽haha。魚方面份量都多，而且全部都好滑，肉質有少少呈粉嫩色，入面仲有大量酸菜可以食，都算係幾滿意嘅一款菜式。.🌟手剁鮮牛肉腸 $48呢個牛肉腸同出面有少少唔一樣，平時牛肉腸入面嘅牛肉係有少少似似牛肉球果種質地同味道，呢度手剁感覺好唔一樣，肉質整體都再腍身啲同突出牛肉味，不過如果腸皮本身可以再薄身少少就更好喇。.🌟鴛鴦水晶包(四件) $48呢個水晶包都係幾
上次過嚟H8食飯都有留意開咗間新式點心店，見到餐牌都有好多比較特別嘅點心，所以今次就同朋友專登過嚟試吓。一出lift已經見到餐廳環境，整體都坐得好舒適同埋空間都比較大，服務員都好主動地招呼同提供茶水。佢比起一般茶樓有更多嘅茶水選擇，我同朋友就選擇咗桂花烏龍，一倒就已經有非常濃郁嘅桂花清香，即時已經有心曠神怡嘅感覺，再加上佢精緻嘅茶具整體感覺都好唔錯。
———————————————
🌟酸菜魚 $238
其實本身係想專注返係點心，但歐為酸菜魚愛好者見到都係忍唔住叫咗一份XD 第一啖湯飲落去覺得略淡，但原來係因為自己冇好好撈勻，撈完之後成個菜式味道都唔一樣，咸辣適中，感覺仲有少少甜味，最突出嘅地方係佢比一般食開嘅都麻，食到一半個唇完全係麻到超爽haha。魚方面份量都多，而且全部都好滑，肉質有少少呈粉嫩色，入面仲有大量酸菜可以食，都算係幾滿意嘅一款菜式。
.
🌟手剁鮮牛肉腸 $48
呢個牛肉腸同出面有少少唔一樣，平時牛肉腸入面嘅牛肉係有少少似似牛肉球果種質地同味道，呢度手剁感覺好唔一樣，肉質整體都再腍身啲同突出牛肉味，不過如果腸皮本身可以再薄身少少就更好喇。
.
🌟鴛鴦水晶包(四件) $48
呢個水晶包都係幾特別而且好別緻，有一層水晶糯米皮係外邊，入面有紫薯同紅棗兩種味，兩種甜度都掌握得好好，加上皮薄餡多，值得推薦比大家。
.
🌟千島和牛迷你漢堡(3件) $68
比較新奇有趣嘅一款點心，雖然係迷你但都比我想像中大少少，做唔到一口食曬佢haha。千島同和牛味道都好夾，所以都唔錯。
.
🌟黑金流沙包 (2件) $22
流沙效果做得好好，而且流心顏色好鮮豔食落都感覺好正，麵包外層好軟熟。
.
🌟蝦多士(4件) $38
價錢合理，另外都有千島醬提供，入口香脆。
.
🌟招牌楊枝甘露 $36
呢個真心係MVP，性價比高之餘味道都好滿意，甜度適中而且用料豐富，我特別鍾意佢入面好多種口感，有爽口有煙韌，冰冰涼涼真係好正。
.
🔸整體評價🔸
服務同環境都屬高水準，點心方便都好有特色，不過新開仲有部份菜式未ready好，大家如果想食一啲特別嘅點心不妨去試下🥰
張貼
