荔香園冰室 (已結業)

是日下晝放假，梗係唔食晏等食三點三啦，慳返啲錢嘛😁。🌖T2 爆蛋芝士牛肉菠蘿包 $38呢個菠蘿包有多料，有太陽蛋、蕃茄、芝士、牛肉同菠蘿片做料，以後可以同人講「菠蘿包真係有菠蘿🍍架」🤣！個包真係勁厚勁豐富，想一啖食到曬咁多食材真係有啲難度。太陽蛋一咬就流曬蛋汁出黎，最鍾意啲蛋汁流曬去個包度，如果流左落碟我都會拎麵包去吸返曬蛋汁返黎，實得一滴都唔會晒😛。菠蘿片甜甜酸酸給解膩，不過唔知係咪咁所以解到少左陣芝士味😅。🌗T6 流心芝士厚西多士 $32菠蘿包少咗芝士味？唔緊要～～因為我仲有呢個流心芝士厚西多～其實每片多士都唔算好厚，但呢個西多係三片多士夾住兩層流心芝士，所以食落真係好飽肚！平時西多已經夠邪惡，呢個仲有滿滿芝士，建議同人開心share 。🌖T5 炸雞髀配自家製沙律 $42炸雞髀一啲都唔油！雞皮上嘅油仲完全被炸曬出嚟！新鮮即炸熱辣辣，配上雜果沙律，冰熱交融嘅食法係我嘅心頭好❤️。