OH MY GOOSE! (已結業)

上堂前去朗豪坊食個快飯，於是就揀咗比較平同多選揀嘅food court 。云云餐廳見到oh my goose 嘅裝修最特別，其實之前幾次都想試㗎喇，咁啱今次要等朋友咪順手上網睇吓佢係食乜嘅囉。一search就search到原來佢係食中式飯，仲要係《食神》入面嗰隻黯然銷魂飯！網站張相就幾好睇喇，唔個真樣又係點㗎呢？上到檯，吖又幾鬼靚啵，相機食先～試下舊叉燒又試下個蛋同飯：叉燒係比較瘦同乾身嘅叉燒，啱唔啱食就見仁見智，但我自己呢又覺得唔錯啵，可能因為冇預過味道會咁正常——應該話係比正常味道好食（而且擺得好整齊好靚）；蛋同飯都係正正常常啦，冇乜特別。整體而言加埋一齊就一碗又靚個味又好正常嘅叉蛋飯囉。