KiKi滷麵 (已結業)

【我鍾意食嘅台灣鹵麵🍜】認識Kiki開初係認識佢嘅拌麵，紅極一時，屋企都成日買嚟自己煮。香港好食嘅台灣鹵麵店真係唔多，Kiki係我食過覺得最好食的一間，今日路過尖沙咀就外賣回家慢慢食。🧐食咗咩？🍜綜合鹵水套餐牛筋、豬耳、鴨血、貢丸、花枝丸、蘿蔔、百頁豆腐、甜不辣、唐生菜配粗麵。貢丸豬牛好好味😋，所有餸都用盒另外放好。麵和生菜則放喺另一紙盒中，粗麵與酸菜絲、芫茜蔥絲，用上鵝油蔥油，一開就香味撲鼻，唔食芫茜嘅朋友要留意，而麵份量非常之大。🍜豚之選套餐豬耳、小肥腸、貢丸、百頁豆腐、蘿蔔、唐生菜，配幼麵及咖哩汁。非常之欣賞咖哩汁嘅味道，令到全個麵都好夠味，撈麵嘅原故，每口麵都有咖哩汁掛住，所以每啖都好夠食。麵量依然比較大。口痕想食小食，加咗鳳爪和台灣腸🍜無骨鳳爪每次我都會點鳳爪的，因為味道幾特別，口感係淋淋的， 骨膠原豐富。🍜台式腸本身是「腸粉」嘅我，無腸不歡，喜歡台灣腸嘅甜甜感覺。🍜檸檬冬瓜茶唔太酸，杯底有透明嘅愛玉，好似Jelly咁，我鍾意呀。🍜珍珠奶茶奶味茶味都重，不過不失，飲完都幾飽肚，都係食咗個麵先慢慢飲。