White Hse. (已結業)

兩大幅花花背景牆，有紅色同粉紅色，啱晒同閨蜜嚟影吓相📸食個tea。🌗White House Cookie Cup $69今期以復活節做主題，曲奇杯身以復活蛋同兔仔🐰做裝飾，圖案還原度極高，相同實物99%一樣。內層薄薄一層朱古力防止牛奶浸濕曲奇杯身，曲奇餅🍪睇得又食得，唔係淨係得個樣。🌗碟豆花綠茶 $45漸變色嘅綠茶，由黃色變紅色、紫色、再變藍色，so colourful🌈~~🌗二重奏忌廉煙肉芝士貓耳朵 $118貓耳朵好煙軔，忌廉汁同芝士打孖黎真係好邪惡😈！減肥？聽日先算啦😆～💢留意呢碟入過焗爐，要小心熱啊～～🌗夠薑蔥爆你 $109估唔到cafe 都會有香港口味，有勁多薑蔥，但唔係撈丁底而係意粉底，鍾意fusion嘅你可以黎試吓🤪。以上兩碟都係比較重澱粉質少蛋白質，食落硬係爭d 野咁🤔，唔太適合一齊order 😆。