等一隻貓咖啡 (已結業)

當你承諾養一隻寵物開始，就要到底，千祈唔好拋棄佢地。兒時家人嘅朋友外遊，有過機會曾經養過貓，自此好喜歡貓。不過由於家人唔太喜歡養貓，最終家裡無養過寵物。上去貓cafe坐，睇下貓咪，同佢地玩下。上到嚟係每小時計嘅，有一杯飲品，得小食提供。飲品種類比我地想像中多，加20元花茶養下生。小食有蛋糕，雞翼，簡單漢堡配薯條。店內有5隻貓貓（有一隻收埋咗，因為太曳），店員話因爲店主本身喜歡貓，收養咗貓，貓貓又生咗小貓咪，將其中兩隻帶到店裡，仲有其他三隻係收養返黎，真係愛心爆棚。店主善心去幫助一間深水埗喵喵喵，義工會去後巷餵養流浪貓。希望更多人關注，去領養呢啲貓。店內都貼咗可以申請領養貓咪資料。我地叫咗兩款花茶，清清地幾好飲。另外叫咗千層蛋糕，提拉米蘇好食，推介下，好match。不過真係要小心，小貓咪成日搵機會跳上黎食，唔好餵呀。抹茶都不錯。除左可以同貓咪互動（如果佢理你），仲有啲boardgame可以玩，唔會怕悶。呢度入屋要除鞋，記得係門外要消毒。