影片
更多
2024-09-03
151 瀏覽
今次去到旺角樓上嘅居酒屋，雖然地點於旺角但絕對唔係廉價居酒屋，反而係打卡同食物質素都兼備，價錢方面亦都非常合理值得同大家推薦。———————————————🌟鹽板和牛燒 $138呢道菜用上超大塊喜馬拉雅山粉紅岩鹽板嚟燒和牛，睇見已經好吸引。牛肉燒得啱啱好，外層有微微焦香，而入面仲保持住嫩滑多汁嘅質感。岩鹽慢慢溶入牛肉中，帶出天然嘅鹹香，味道層次感好強，食落有種入口即溶嘅感覺，食完真係回味無窮。🌟和牛漢堡 $68呢個和牛漢堡相當出色，用鐵板燒香嘅和牛配上醬油漬蛋黃，入口係濃郁嘅牛味加上蛋黃嘅滑溜，仲有底層嘅洋蔥提鮮，味道層次非常豐富，呢個價錢可以食到咁高質素嘅和牛漢堡，絕對值回票價。🌟燒比目魚 $68燒比目魚係另一個推介，魚肉本身非常鮮嫩，魚皮燒得香脆，連皮帶肉一齊食最過癮。魚肉入口即溶，味道清甜。🌟照燒魷魚 $78照燒魷魚新鮮彈牙，照燒醬汁甜中帶鹹，味道非常平衡，每一口都好惹味。🌟海膽茶漬飯 $78海膽茶漬飯真係超值選擇，唔單止78蚊就有足量嘅海膽，仲係鮮甜冇苦味，倒入茶後連同芥末味道，香氣十足。🌟自家制櫻花啫喱呢款自家制櫻花啫喱真係打卡一流，啫喱入面仲真係有櫻花，食落唔會太甜，帶有淡
今次去到旺角樓上嘅居酒屋，雖然地點於旺角但絕對唔係廉價居酒屋，反而係打卡同食物質素都兼備，價錢方面亦都非常合理值得同大家推薦。
———————————————
🌟鹽板和牛燒 $138
呢道菜用上超大塊喜馬拉雅山粉紅岩鹽板嚟燒和牛，睇見已經好吸引。牛肉燒得啱啱好，外層有微微焦香，而入面仲保持住嫩滑多汁嘅質感。岩鹽慢慢溶入牛肉中，帶出天然嘅鹹香，味道層次感好強，食落有種入口即溶嘅感覺，食完真係回味無窮。
🌟和牛漢堡 $68
呢個和牛漢堡相當出色，用鐵板燒香嘅和牛配上醬油漬蛋黃，入口係濃郁嘅牛味加上蛋黃嘅滑溜，仲有底層嘅洋蔥提鮮，味道層次非常豐富，呢個價錢可以食到咁高質素嘅和牛漢堡，絕對值回票價。
🌟燒比目魚 $68
燒比目魚係另一個推介，魚肉本身非常鮮嫩，魚皮燒得香脆，連皮帶肉一齊食最過癮。魚肉入口即溶，味道清甜。
🌟照燒魷魚 $78
照燒魷魚新鮮彈牙，照燒醬汁甜中帶鹹，味道非常平衡，每一口都好惹味。
🌟海膽茶漬飯 $78
海膽茶漬飯真係超值選擇，唔單止78蚊就有足量嘅海膽，仲係鮮甜冇苦味，倒入茶後連同芥末味道，香氣十足。
🌟自家制櫻花啫喱
呢款自家制櫻花啫喱真係打卡一流，啫喱入面仲真係有櫻花，食落唔會太甜，帶有淡淡嘅櫻花清香，非常特別。
🌟富士山紅葡萄汽水 $38
富士山紅葡萄汽水嘅樽超似飲紅酒，飲落比較甜，但係嗰種甜好自然，真係好似食緊提子咁，非常好飲。
🌟赤米Red Rice Ale $58
呢款日本手工啤酒用特選赤米釀製而成，飲落有濃郁嘅麥香，仲帶有少少微甜嘅果香，係一款值得一試嘅手工啤。
🔸整體食評🔸
呢間餐廳整體感覺好舒服，食物質素同價錢都好令人滿意。不過大家記得要事先預約，因為部份菜式限量供應，食材需要提前預訂。
張貼
