影片
更多
2023-05-06
449 瀏覽
【東區】【澤記快餐飯店】好耐冇返過柴灣個 office，呢幾年不但自己多事，又適逢遇到社會運動、肺炎疫情等影響，就算開會都係用 zoom。今日終於重臨柴灣，諗起幾年前喺家人見證下喺度領獎，真係百般滋味在心頭，而家就係充滿苦澀味嘅。雖然自己面對諸般嘅困難，不過日子都係要過嘅。我一向都中意買啲糕點上去慰勞吓啲手足，我不擅辭令，冇咩做得到以答謝佢哋嘅幫忙，最簡單就係餵食。都唔知呢頭開咗新嘅蛋糕店，幫到吓手呀吓，諗起之前買到唔知買邊間好都覺得有趣。疫情雖然令到好多 project 停咗，但係我都喺近年開咗呢個 foodie 帳户，分享咗好多食過嘅嘢同埋對不同事物嘅睇法。我都知自己嘅 post 唔係食評嚟，而係充滿 xanga 味道嘅日記咁款，咁我都唔否認嘅，打吓日記，對冇乜朋友嘅人嚟講係一個唔錯嘅抒發。經佢哋介紹，我就決定嚟呢度試柴灣名物「澤記魚柳包」，一搵資料，都幾多人提喎。呢啲餐廳真係唔怕寫，又唔貴，而且令我好似好專業捐窿捐罅搵嘢食咁。我去到先知，之前好似同佢哋喺度買過外賣返 office 食，感覺都唔錯架喎。我就叫咗個佢哋介紹嘅「巨型魚柳包」，本身諗住都係大過正常啲啲，叫埋奄烈，點知一上
雖然自己面對諸般嘅困難，不過日子都係要過嘅。我一向都中意買啲糕點上去慰勞吓啲手足，我不擅辭令，冇咩做得到以答謝佢哋嘅幫忙，最簡單就係餵食。都唔知呢頭開咗新嘅蛋糕店，幫到吓手呀吓，諗起之前買到唔知買邊間好都覺得有趣。
疫情雖然令到好多 project 停咗，但係我都喺近年開咗呢個 foodie 帳户，分享咗好多食過嘅嘢同埋對不同事物嘅睇法。我都知自己嘅 post 唔係食評嚟，而係充滿 xanga 味道嘅日記咁款，咁我都唔否認嘅，打吓日記，對冇乜朋友嘅人嚟講係一個唔錯嘅抒發。
經佢哋介紹，我就決定嚟呢度試柴灣名物「澤記魚柳包」，一搵資料，都幾多人提喎。呢啲餐廳真係唔怕寫，又唔貴，而且令我好似好專業捐窿捐罅搵嘢食咁。我去到先知，之前好似同佢哋喺度買過外賣返 office 食，感覺都唔錯架喎。
我就叫咗個佢哋介紹嘅「巨型魚柳包」，本身諗住都係大過正常啲啲，叫埋奄烈，點知一上菜，嘩，侍應話冇豬仔包用方包代替，之但係塊方包根本冚唔住塊魚柳。隻碟雖然都大，但係塊魚柳更大，所以廚師將塊魚柳摺咗入去些少，好誇張。
味道上其實塊炸魚柳都係一般水平，不過真係超級大塊，肚餓先好去，配合埋青瓜、蕃茄、千島醬，成件事幾完整。加 $10 要嘅「火腿奄烈」都大，都霸咗成半隻碟，味道都 okay 嘅。而餐飲「凍奶茶」就冇乜特別，$45 呢個價錢真心超值。
話雖如此，坐嘅環境同服務，其實都真係唔適合所有人，露天嘅情景，有貨車經過時呼呼作響嘅帳篷，狹小嘅摺櫈，都係佢嘅缺點。我唔想就係話大家睇完我篇嘢，聽到我話抵食，去到就嫌呢樣嫌嗰樣，一定要畀返個心理準備大家先。
做完呢間之後覺得，自己雖然已經算係喺標榜做「周圍食」嘅大眾飲食嘅 foodie 裡面做得「算係咁」，算係有所交待。不過講到識飲識食，我真係遠遠落後於好多人，就算係呢啲名物，我都係要聽人講，咁遲先知，有時都覺得幾慚愧吓。。。
（地址：柴灣吉勝街 10 號吉勝街熟食市場地下）
#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #1ambackup #1am0493 #hkigfood #hkfoodlove #hkfoodblog #globaleats #foodieman #1am東區 #柴灣 #澤記快餐飯店 #澤記 #澤記魚柳包 #下午茶 #魚柳包 #大牌檔 #巨型魚柳包 #火腿奄烈 #凍奶茶
張貼
