影片
更多
2019-03-19
172 瀏覽
難得今日唔洗返工，同媽媽同太太一齊喺媽媽屋企附近覓食。搵咗一陣見到「柴門」，常駐柴灣嘅我哋竟然未聽過，一於打電話去訂檯，帶埋媽媽一齊去食。我哋今日係「18-23 March」嘅特選午餐餐牌。我哋揀咗其中三樣主菜：1. 俄羅斯式燴牛肉 配白飯 (HKD88)2. 炒大蝦帶子意大利麵 配香草番茄醬 (HKD98)3. 法式香煎三文魚 配薯菜、白酒牛油醬 (HKD108)每一款都係跟頭盤沙律、薯蓉忌廉湯、餐包，同餐茶。頭盤三式，有法式餐包、大蒜忌廉湯，同沙律。媽媽好喜歡個湯，佢好鍾意佢哋薯蓉打得好滑；沙律都幾特別，有跟一片生蘑菇，加埋佢畀嘅黑醋，好好食。媽媽點咗嘅係「炒大蝦帶子意大利麵」，賣相好好，個蝦都好爽滑彈牙，佢好喜歡。太太點嘅係「俄羅斯式燴牛肉」，太太表示個牛肉汁夠惹味。個人鍾意食三文魚嘅關係，我自己點嘅係「法式香煎三文魚」。一睇覺得食物擺位有啲似搭飛機 First Class，哈哈。用刀一切落去已經知道肉質有幾軟熟，加埋個汁真係無得彈！好食嘅味道，簡簡單單已經足夠。有個小插曲，食到中間發覺塊三文魚肉有啲生，太太有啲擔心（雖然中國人生食鯇魚都搞得掂 xP ），都係應該問問侍應。侍應好
我哋今日係「18-23 March」嘅特選午餐餐牌。我哋揀咗其中三樣主菜：1. 俄羅斯式燴牛肉 配白飯 (HKD88)
2. 炒大蝦帶子意大利麵 配香草番茄醬 (HKD98)
3. 法式香煎三文魚 配薯菜、白酒牛油醬 (HKD108)
每一款都係跟頭盤沙律、薯蓉忌廉湯、餐包，同餐茶。
頭盤 - 法式多士、沙律、薯蓉忌廉湯
31 瀏覽
0 讚好
0 留言
炒大蝦帶子意大利麵
$98
16 瀏覽
0 讚好
0 留言
俄羅斯式燴牛肉
$88
8 瀏覽
0 讚好
0 留言
法式香煎三文魚
$108
10 瀏覽
0 讚好
0 留言
有個小插曲，食到中間發覺塊三文魚肉有啲生，太太有啲擔心（雖然中國人生食鯇魚都搞得掂 xP ），都係應該問問侍應。侍應好客氣答話廚師係特登咁整嘅，同埋佢哋用料係即日新鮮挪威運嚟嘅三文魚，好安全。喔，其實原來係自己大鄉里，哈哈。
每個午餐都跟一杯餐茶。佢凍飲除咗唔用即棄飲管，仲行前一步，用不銹鋼飲管。依份用心，真係無嘢好講。
紐約芝士餅
$16
11 瀏覽
0 讚好
0 留言
我哋另外加咗「紐約芝士餅」同「意式奶凍」一齊 share 食。芝士餅帶檸檬味，中和咗芝士餅本身嘅甜味，味道甜得嚟好清新。但因為自己無留意，食咗芝士餅先，到食奶凍反而唔係好食到。味道：✮✮✮✮✮
正！喺柴灣有酒店級嘅水準，之後上網睇下原來真係酒店級大廚，哈！
環境：✮✮✮✮✮
牆邊掛咗好多油畫，太太懷疑有啲牆身嘅畫仲係畫上去，好驚喜；雖然午市時段座無虛席，但座位寬敞，而且樓底高，唔會太嘈。
服務：✮✮✮✮✮
喺香港，餐廳職員唔「西」面已經好欣慰，我見個侍應仲會同每檯人打招呼，了解佢哋點睇啲食物同餐廳。唔知仲以為去咗啲咩高級餐廳。
衛生：✮✮✮✮✮
無咩特別嘢可以挑剔。
抵食：✮✮✮✮✮
喺柴灣依啲老區好少食到高質嘢，仲要唔貴。
張貼
