沙田友．丸記清湯腩王

營業中

休息中

【沙田區】【沙田友．丸記清湯腩王】喺 1am0569 嗰陣食過一間叫「沙田友」嘅餐廳，嗰陣話有機會要去多次，之後見佢哋圍晒版好似冚咗旗咁，以為冇機會再食。點知佢哋換咗叫「沙田友．丸記清湯腩王」嚟招玉莖重生，攪到我鬼咁想試，就叫埋東尼哥去。東尼哥係人生裡面其中一個知我講緊乜嘢嘅朋友，梗係佢揀先，佢試個 $56 嘅「清湯淨牛腩飯」加 $3 飲「凍咖啡」，我有偷幾舊牛腩嚟食吓，係有功力，又腍又有肉味，個湯又有料，掂！我好少同東尼哥食飯，好彩冇失禮。我自己就試 $54 嘅「海南雞飯」加 $3 飲「凍奶茶」，啲雞夠滑，個飯係「泰式雞油飯」，正。而我哋淨係食丸記個 menu 啲嘢，梗係要食埋沙田友啲嘢。試埋 $11 嘅「酥皮斑蘭蛋撻」同埋 $14 嘅「半熟芝士撻」，都唔錯。埋單 $141，食到每日賣一百個嘅斑蘭蛋撻算好彩。而個清湯腩係澳門車仔檔嘅第三代傳人做，講到「湯底清甜而無油不膩、牛腩肥瘦均勻」，我都同意。餐廳創辦人阮弼壕先生 2012 年憑娘惹咖哩得到法國藍帶美食勳章，下次要試。。。（地址：沙田石門安群街3號京瑞廣場1期地下G29號舖）@shatinbuddies.yuenkee#1amfo