串燒兄妹 (錦泰商場)

營業中

休息中

【沙田區】【串燒兄妹】之前同道歉哥都成日食呢間，但係我哋係食土瓜灣分店。作為一個沙田友，佢哋喺沙田其實係有兩間分店，但我就完全冇食過。因此今日我點都要拜會其中一間，睇吓沙田區嘅串燒得唔得。我揀咗馬鞍山錦泰店，方便啲嘛。我就梗係食返最抵食嘅「自選串燒」，不過貴過預期廿蚊，呢度係 $120。我揀咗牛舌、豬腩肉、五花腩片、雞中翼、雞腎、花枝丸、多春魚、燒秋刀魚，當中燒秋刀魚係我最期待嘅，不過可能我食厭咗，好似冇以前咁大驚喜。其他串燒方面都係正正常常，不過勝在夠晒熱辣辣，食落都起碼唔係唔得嗰啲。而另外我仲叫咗一份 $48 嘅「燒鯖花魚柳」，呢個就燒得幾好，雖然價錢嚟講係高過其他串燒，但係佢易吮骨、肉多嘅特性令佢係匹配於價錢嘅。嘢飲方面，呢度都有 $10 嘅「白桃冷泡茶」可以飲，味道同土瓜灣店一樣都係甘香可口嘅。而環境方面，呢間錦泰店係喺街市出面嘅，有幾張枱櫈咁，而附近亦有公共嘅枱櫈可以用，我去嗰晚覺得都算充足嘅。埋單 $178，可以嘅。。。（地址：沙田馬鞍山寧泰路31號錦泰商場地下錦泰街市28號舖）#1amfoodie #foodie #hkfoodie #thatfoodiething #h