影片
更多
2023-05-01
146 瀏覽
【油尖旺區】【川婆婆】我之前同一位朋友食過佢哋銅鑼灣嗰間快餐式嘅麵店，感覺都唔錯。過咗一年左右嘅近期，我作為一隻八卦精，都收到啲風，好多後生仔女年輕人圈子都幾中意食呢間川婆婆。所以我收到邀請之後就直接夾個食辣朋友陪我去。去到先知原來係食佢哋個「茶底辣鹵串串火鍋放題」，淨係睇個名都吸引，原來個湯底係茶底，就算加湯都係加花茶，非常特別。而我哋食「鴛鴦雙拼鍋」係有「茶底麻辣鍋」同「養生菌王雞湯」，適合埋唔太食辣嘅我。佢有三款套餐可以食嘅，我哋就揀咗 B 餐，即係「新鮮農場靚牛串串套餐」，每位有「牛頸脊」、「牛小排」同「SRF 和牛肉眼邊」三揀一同埋「時令海鮮」，即係聖子、海蝦、大蜆，價錢係 $298 一位，未知抵唔抵。除咗邊爐，火鍋隔離仲有燒烤板，好方便，即係啲任拎任食嘅串串唔止可以整麻辣燙嚟食，仲可以燒烤，由客人自己衡量。我覺得呢個設計幾好，尤其有時食到迷吓迷吓可以換吓花款，啲肉片類可燒可淥，好似食緊兩餐飯咁。最特別嘅幾款應該係「韮菜牛肉」、「芫茜牛肉」、「羊肉粒」同「炸豆卜」，兩款牛肉同啲配菜一齊食好正，羊肉粒夠羶香，個豆卜放入麻辣湯底索晒啲汁，食到爽歪歪。另外，啲「蟹柳」同「響鈴」都屬
去到先知原來係食佢哋個「茶底辣鹵串串火鍋放題」，淨係睇個名都吸引，原來個湯底係茶底，就算加湯都係加花茶，非常特別。而我哋食「鴛鴦雙拼鍋」係有「茶底麻辣鍋」同「養生菌王雞湯」，適合埋唔太食辣嘅我。
佢有三款套餐可以食嘅，我哋就揀咗 B 餐，即係「新鮮農場靚牛串串套餐」，每位有「牛頸脊」、「牛小排」同「SRF 和牛肉眼邊」三揀一同埋「時令海鮮」，即係聖子、海蝦、大蜆，價錢係 $298 一位，未知抵唔抵。
除咗邊爐，火鍋隔離仲有燒烤板，好方便，即係啲任拎任食嘅串串唔止可以整麻辣燙嚟食，仲可以燒烤，由客人自己衡量。我覺得呢個設計幾好，尤其有時食到迷吓迷吓可以換吓花款，啲肉片類可燒可淥，好似食緊兩餐飯咁。
最特別嘅幾款應該係「韮菜牛肉」、「芫茜牛肉」、「羊肉粒」同「炸豆卜」，兩款牛肉同啲配菜一齊食好正，羊肉粒夠羶香，個豆卜放入麻辣湯底索晒啲汁，食到爽歪歪。另外，啲「蟹柳」同「響鈴」都屬正常水準。
反而有啲失望嘅係「羊雜」同「鵝腸」，前者可能我煲得太耐有啲靭，後者我煮完都係冇乜味，達唔到期望嘅高度。不過，用返「牛栢葉」、「牛黃喉」、「雞髀菇」、「腐皮」、「台灣腸」同「午餐肉」食麻辣湯底堅正。
最後玩個「魚皮餃」，又煎又灼，好過癮，見到「吊桶仔」又忍唔住食埋，都 okay。食辣不得不提飲品，玻璃樽汽水都幾齊，第一次見玻璃樽紅茶花伝，仲有罐裝 OOHA 同加多寶，都係任飲。回應返第三段嘅問題，我覺得係抵食嘅。。。
（地址：尖沙咀寶勒巷26-36號地舖）
#1amfoodie #foodie #thatfoodiething #food #instafood #globaleats #followforfollowback #love #eat #1am油尖旺區 #尖沙咀 #尖東 #紅磡 #1am紅館 #川婆婆 #寶勒巷 #川菜 #四川菜 #茶底辣鹵串串火鍋放題 #新鮮農場靚牛串串套餐 #牛頸脊 #牛小排 #SRF和牛肉眼邊 #時令海鮮 #鴛鴦雙拼鍋 #麻辣燙 #串串 #1am0761 #1ambackup
9 瀏覽
0 讚好
0 留言
張貼
